«Лента времени» патриотическай куонкурус түмүктэннэ

«Саха» НКИХ быһа эпииригэр «Лента времени» патриотическай куонкурус түмүгэ тахсан, кыайыылаахтара ааттаннылар. Бу куонкурус «МУУС УСТАР» ыччат бэстибээлин чэрчитинэн ыытылынна. 

Куонкурус олунньу 1 күнүттэн саҕаламмыта. Балтараа ый устата финалга тиийэ күрэстэстилэр. Бастакы түһүмэххэ — онлайн көрүҥүнэн 1014 киһи Москваттан, Саха сириттэн, Владивостоктан билиилэрин тургуппуттара. Иккис түһүмэххэ 30 улуустан 107 киһи ааспыта.

Ол кэнниттэн финалга 15 киһи тахсан, быһа эпииргэ ток-шоуга кытыннылар. Кыайыылаахтар 20 тыһыынча солкуобайдаах бирииһи туттулар.

«Лента времени» куонкуруска кимнээх кыайдылар?

14-17 саастаахтарга — Равгана Халинбекова (Томпо), Наиля Васильева (Өлөөн), Аэлита Старостина (Чурапчы), Алина Канашова (Томпо), Эвелина Олчонова (Уус Маайа).

18-24 саастаахтарга — Эрхан Никулин (Дьокуускай), Сергей Николаев (Бүлүү), Сардаана Кириллина (Нам), Айыллаана Катанова (Чурапчы), Нарыйа Васильева (Үөһээ Бүлүү).

25-34 саастаахтарга — Олеся Семенова (Усуйаана), Нюргуяна Андросова (Ньурба), Ирина Лунева (Уус Маайа), Виктория Хозеева (Хаҥалас), Саргылаана Трофимова (Чурапчы).

«Лента времени» диэн патриотическай куонкурус ыччат устуоруйаны билэригэр, патриоттуу өйдөөх-санаалаах буоларыгар туһуланар.