Хаартыска уонна видео - Елена Потоцкая
Адаптивнай успуорт көрүҥнэригэр «Дьулуур» 14-с спартакиада түмүгүнэн буолбут успуорт министиэристибэтин салайааччылара суруналыыстары кытта пресс-кэмпириэнсийэлэрэ бэрт сэргэхтик ааста.
Манна успуорду сырдатар суруналыыстар бэрт дириҥ ис хоһоонноох ыйытыылары биэрдилэр.
Холобура, Дьааҥыттан сылдьар успуорт улахан тэрээһиннэрин биирдэ да көтүппэт Платон Эверстов «хотугу улуустарга анаан маннык адаптивнай спорт көрүҥнэригэр туспа күрэхтэһиилэри тэрийиэххэ сөп дуо?» диэн ыйытта.
Онуоха успуорт миниистирэ Леонид Спиридонов «зоналарынан арахсан, улахан тэрээһиннэри тэрийии суол-иис өттүнэн олус уустуктардаах, үп-харчы да ороскуота баһаам. Аны хоту эрэ улуустар буолбакка, «Бүлүү бөлөх, Илин Эҥэр улуустара» диэн арахсан барыахтарын сөп. Онон зонанан бытарыйбат ордук — түөртүү сыл буола-буола үчүгэйдик бэлэмнэнэн, биир тустаах улуус киинигэр түмсэн, өрөспүүбүлүкэтээҕи спартакиада буолара табыгастаах. Бу олус көдьүүстээҕин быйыл Амма улууһа көрдөрдө» диэн олохтоохтук быһаарда.
«Горнай улууһа тоҕо үһүс зонаҕа киирсэрий?» диэн күрэхтэһии аайы хотугу улуустары кытта бу киин улуус уопсай түмүктэрэ тоҕо тэҥҥэ ааҕылларын туһунан ыйытыы киирбитигэр, успуорт министиэристибэтин салайааччылара «зоналарынан араарыы улуус олохтоохторун ахсаанынан быһаарыллар» диэн эттилэр.
Ол эбэтэр бу буолан ааспыт спартакиада түмүгэр учуокка турар доруобуйаларынан хааччахтаах дьон ахсааннара учуоттанан, Горнай улууһа хоту улуустары кытта ааттанна.
Ити курдук, араас ыйытыыларыгар суруналыыстар олохтоох хоруйдары ыллылар.
Тохсунньу 17-18 күннэригэр Дьокуускайга «Триумф» успуорт уораҕайыгар чэпчэки атлетикаҕа Саха сирин кыһыҥҥы чөмпүйэнээтэ ыытыллыаҕа. Күрэхтэһии…
Нам сэлиэнньэтин Уопсастыбанньыктар дьиэлэригэр бойобуой дьайыылар бэтэрээннэрин икки ардыларыгар корнхолга бастакы турнир ыытылынна. «Тохсунньу томороон…
Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар муниципалитеттар икки ардыларынааҕы оптуобус сырыыта быстах…
«Буратино» киинэ уопсай хомуура 1,5 млрд солкуобайы куоһарда. Бу Киинэ пуондатын Биир кэлим автоматизированнай информационнай…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Тайах оҕото"…
Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…