Бүгүн, сэтинньи 22 күнүгэр, СӨ Наукатын академиятыгар бэрэсидьиэн быыбара буолла уонна куоластааһын түмүгүнэн академия бэрэсидьиэнинэн Леонид Владимиров талылынна.
СӨ Ил Дарханын уонна Бырабыыталыстыбатын дьаһалтатын салайааччы Георгий Михайлов: «Туруоруммут сыалбытын былаас уорганнара уонна науканан дьарыктанар тэрилтэлэр бииргэ үлэлээтэхпитинэ эрэ ситиһэр кыахтаахпыт. Бүгүҥҥү күҥҥэ өрөспүүбүлүкэни сайыннарыыга тумус туттуллар сүрүн хайысхаларынан сыыппара экэниэмикэтэ буолар уонна үлэ таһаарыылаах буолуутугар научнай-технологическай кыахпытын туһаныы киирэр», — диэн эттэ. Мунньахха Ил Түмэн бэрэссэдээтэлин солбуйааччы Антонина Григорьева, СӨ Бырабыыталыстыбатын бэрэссэдээтэлин солбуйааччы Сергей Местников кытыннылар.
Леонид Владимиров «Саха сирин наукатын кыаҕын туһунан» киэҥ хабааннаах дакылааты оҥордо. Кини Саха сирин Наукатын академията бары салааларга сүрүн оруолу ыларын туһунан эттэ. Бүгүҥҥү күҥҥэ Саха сирин үрдүнэн 1872 учуонай баарыттан 378-һа наука дуоктардара, 1494-дэ наука хандьыдааттара. Мунньах кэмигэр академия вице-бэрэсидьиэннэрин таллылар, ол курдук, Геннадий Толстых уонна Сергей Попов буоллулар. Учуонай сэкэритээринэн Андрей Матвеев талылынна.
Кылгас ыспыраапка:
Леонид Николаевич Владимиров 1959 сыллаахха от ыйын 9 күнүгэр Тулагы-Киллэм нэһилиэгэр төрөөбүтэ. 1977 сыллааха Үөһээ Бүлүүтээҕи орто оскуоланы бүтэрбитэ. 1985 сыллаахха СГУ тыа хаһаайыстыбатын факультетын туйгуннук бүтэрбитэ. Ити кэнниттэн Уус Алдан улууһугар Найахы сопхуоска кылаабынай зоотехниктаабыта. 1986 сыллаахха Москватааҕы судаарыстыбаннай бэтэринээринэй мэдиссиинэ академиятыгар аспирантураҕа киирбитэ уонна биологическай наука хандьыдаата буолбута. 1999 сыллаахха дуоктар истиэпэнин көмүскээбитэ. 1997 сылтан 2016 сылга диэри Тыа хаһаайыстыбатын академиятын ректорынан үлэлээбитэ. 2018-2019 сылларга «Комитет по драгоценным металлам и драгоценным камням Республики Саха (Якутия)» ГУП генеральнай дириэктэрин 1-кы солбуйааччынан үлэлээбитэ. Санатар буоллахха, быйыл от ыйын 22 күнүгэр Ил Дархан ыйааҕынан СӨ Наукатын академиятын бэрэсидьиэнин э. т. анаммыта.
Тохсунньу 11 күнүгэр Арчы дьиэтигэр "Оһуокай" түмсүү тэрийиитинэн, Чурапчы улууһугар аналлаах оһуокай үрдүк таһымнаахтык ааста.…
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…