Хаартыска: СИА
Грознайга 21-гэр диэри саастаах эдэрдэргэ Арассыыйатааҕы көҥүл тустууга улахан күрэхтэһии буола турар.
Саха тустууга Лев Павлов түмүк киирсиигэ Дагестаан спортсменын Халид Магомедовы 7:4 ахсаанынан кыайан, күрэхтэһии икки төгүллээх чөмпүйүөнэ буолла. Бу туһунан Саха сирин сүүмэрдэммит хамаандаларын успуорка бэлэмниир Саха сиринээҕи киинэ иһитиннэрэр.
Лев Павлов кыайыытынан Арассыыйатааҕы ыччаттарга сүүмэрдэммит хамаандатыгар лидердэр ахсааныгар киирдэ уонна Европа, Аан дойду түһүлгэлэригэр тустууга кыттар кыахтанна.
Бэлиэтээн эттэххэ, быйыл Лев Павлов 21-гэр диэри саастаах эдэрдэргэ Арассыыйатааҕы көҥүл тустууга бүтэһик төгүлүн кыттынна, ол курдук Чечняҕа успуорка карьератын өссө биирдэ ситиһиилээхтик түмүктээтэ.
Спортсмен көҥүл тустууга үс мэтээллээх: үрүҥ көмүс Каспийскайга, икки кыһыл көмүс Дьокуускайга уонна Грознайга. Ону тэҥэ 61 кг ыйааһыҥҥа финал буолара күүтүллэр. Артем Слепцов уонна Андрей Мидловец кыһыл көмүс мэтээл иһин киирсиэхтэрэ. Полуфиналга Слепцов Али Касымовы 4:3 ахсаанынан кыайбыта, оттон Мидловец Эдуард Попову 4:2 ахсаанынан кыайыыны ситиспитэ.
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…
Эми-тому атыылаһан баран, аны хайдах иһэр туһунан ыйыыны-кэрдиини (инструкцияны) төһө билсэбитий? «Күҥҥэ үстэ биир табылыакканы…