Лев Павлов — Европа чөмпүйүөнэ

Бу күннэргэ Сербияҕа көҥүл тустууга эдэрдэргэ  Европа чөмпүйэнээтэ ыытылла турар. Бүгүн сарсыарда үөрүүлээх сонун кэллэ.

Ил Дархан Айсен Николаев телеграмҥа ханаалыгар иһитиннэрбитинэн, Саха сирин  бөҕөһө Лев Павлов (57 киилэ) 21 саастарыгар диэри биирдиилээн бастыыр иһин күрэхтэһиигэ бастакы кыһыл көмүс мэтээли ылары ситистэ.

Финалга 8:6 счетунан  Азербайджан бөҕөһүн Васиф Багировы кыайда.  Бу иннинэ Лев Павлов Италия, Грузия уонна Армения бөҕөстөрүн кыайбыт.

«Бүгүн иккис тустуукпут — Андрей Мидловец  61 киилэҕэ диэри финалга киирсиэҕэ. Кыайыыга эрэнэбит. Саха сирэ киэн туттар!»,- диэн Ил Дархан суруйда.