Лев Павлов – Роман Дмитриев аатынан турнир чөмпүйүөнэ

«Триумф» успуорт уораҕайыгар үбүлүөйдээх 75 сылыгар Роман Дмитриев аатынан көҥүл тустууга норуоттар икки ардыларынааҕы турнир буолан ааста. Турнир иккис күнүн саамай тыҥааһыннаах уонна күүтүүлээх хапсыһыытынан 57 киилэҕэ Дагестантан сылдьар Халид Магомедовы кытта саха юниора Лев Павлов көрсүһүүтэ буолла.

Лев Павлов хапсыһыы бастакы мүнүүтэлэриттэн ордук көхтөөхтүк киирсэн, түмүгэр утарсааччыга биир да тыын биэрбэккэ, кыайыыны ситистэ.

Халид Магомедов былырыыҥҥы күрэхтэһии финалиһа буолар. Ол эрээри, Лев Павлов утарсааччытыгар туох да баалы биэрбэтэ уонна кыһыл көмүс мэтээли ылары ситистэ.Маны таһынан кини Роман Дмитриев дьиэ кэргэттэрин аатыттан анал бириис хаһаайына буолла. Бу кэннэ кинини улахан эрчиллиилэр күүтэллэр. Кини Бүтүн Арассыыйатааҕы таһымнаах күрэхтэһиилэргэ бэлэмнэниэҕэ.

Турнирга 13 дойдуттан спортсменнар кыттыыны ыллылар: Азербайджантан, Арменияттан, Беларусьтан, Грузияттан, Индиятан, Ирантан, Казахстантан, Кыргызстантан, Молдоваттан, Монголияттан, Таджикистантан, Узбекистантан уонна Арассыыйа бөҕөстөрө кытыннылар