Лев Павлов уонна Андрей Мидловец Дьокуускайга кэллилэр

Бүгүн, балаҕан ыйын 11 күнүгэр, Дьокуускай аэропордугар көҥүл тустууга аан дойду чөмпүйэнээтигэр ситиһиилээхтик кыттыбыт Лев Павловы уонна Андрей Мидловеһы көрүстүлэр. Бу туһунан «Триумф» успуорка бэлэмнээх буолуу киин пресс-сулууспата иһитиннэрэр.

Эдэр тустууктар Испанияттан үрүҥ көмүс мэтээли илдьэ кэллилэр. Лев Павлов 57 киилэҕэ диэри ыйааһыҥҥа иккис миэстэ буолары ситистэ. Оттон Андрей Мидловец бастакы улахан күрэхтэһиитигэр боруонса иһин финалга киирсибитэ. Кинилэри кытта тириэньэр Василий Неустроев сырытта.

Лев Павловы уонна Андрей Мидловеһы аэропорка чугас дьоно, доҕотторо, успуорт биэдэмистибэлэрин салайааччылара, спортивнай уопсастыбаннас уонна сүгүрүйээччилэрэ көрүстүлэр.