Хаартыска: лидерыроссии.рф
“Лидеры России” каадыр куонкуруһун саҥа сезонугар биир суукка иһигэр 17 тыһыынчаттан тахса сайаапка киирдэ диэн РИА Новости иһитиннэрэр.
“Лидеры России” куонкурус бэһис сезона муус устар 4 күнүгэр саҕаламмыта. Каадырдары талар куонкуруһу “Россия – страна возможностей” бэрэсидьиэн платформата тэрийэр. Бу тэрилтэ генеральнай дириэктэрэ Алексей Комиссаров эппитинэн, куонкуруска интэриэс улахан. Сайаапканы ыам ыйын 14 күнүгэр диэри лидерыроссии.рф саайтка биэриэххэ сөп.
Манна 2 сылтан итэҕэһэ суох салайар уопуттаах, 55-гэр диэри саастаах дьон кыттыахтарын сөп. Статистика көрдөрөрүнэн, кыттааччылар үс гыммыт биирдэрэ – саҥа саҕалаан эрэр урбаанньыттар, 15%-ра – орто, улахан биисинэс салайааччылара. Онон судаарыстыбаннай сулууспаҕа да, сүүһүнэн киһини салайар урбаанньыкка да салайыы үөрүйэхтэрин сайыннарар хайаан да наада. Сылтан сыл кыргыттар, дьахталлар кыттыылара элбээн иһэр. Ону тэҥэ, атын дойдуга олорор дьон да кыттыан сөп. Кыайыылаах 1 мөлүйүөн солкуобайдаах грант ылыаҕа.
Куонкурус 2017 сылтан бэрэсидьиэн сорудаҕынан ыытыллар. 4 сезон устата Арассыыйаттан уонна тас дойдулартан 840 тыһыынча сайаапка киирбитэ. Кинилэртэн 400-тэн тахса киһи үрдүк дуоһунастарга ананан, ситиһиилээхтик үлэлии сылдьаллар.
Арассыыйа бэрэсидьиэнин дьаһалтатын салайааччытын солбуйааччы Сергей Кириенко кэтээн көрөр сэбиэт үлэтин бэлиэтээтэ.
— Каадырдары таларга сүрүн боппуруос – чиэһинэй буолууну мэктиэлээһин. Кыттааччылар кыратык да саарбахтыыр буоллахтарына, суолтата сүтэн хаалар. “Лидеры России” куонкурус сүрүн бириинсибэ – чиэһинэй буолуу, манна билсии-көрсүү оруолу оонньообот. Биэс сыл устата бары бу бириинсипкэ үөрэннилэр. Кэтээн көрөр сэбиэт көхтөөх үлэтигэр махтанабын.
“Лидеры России” куонкурус кыайыылаахтарын уонна финалистарын истэриттэн улахан салайааччылар үүммүттэрэ үөрдэр: түөрт губернатор, аҕыс куорат баһылыга, федеральнай миниистирдэри солбуйааччылар, эрэгийиэннээҕи миниистирдэр, судаарыстыбаннай уонна чааһынай улахан хампаанньалар салайааччылара үүнэн таҕыстылар, — диэн Сергей Кириенко кэпсээтэ.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…