Лидия Диодорова: «Эргиллээр этэҥҥэ»

Куонкуруспут 32-с кыттааччыта Чурапчыттан  Диодорова Лидия Петровна:

Эргиллээр этэҥҥэ

Сойууһу суулларан,

Дойдуну таҥнаран,

Арҕааҥҥы дойдуга

Хаптаннаан-ньылаҥнаан,

Соруммут эбиттэр

Хараҥа дьайдаахтар,

Имири эһэргэ

Бу модун дойдуну.

Сэриинэн иирбиттэр,

Сомоҕо буолбуттар,

Иҥсэлээх харахтар

Иирсээни тарпыттар.

Бу чуумпу олохпут

Эмискэ түөрэҥнээн,

Бардылар оҕолор,

Эдэркээн ыччаттар.

Хомойо хааллылар

Эн чугас дьонноруҥ…

Ол эрэн самныма,

Эрэллээх эн буойун.

Өбүгэ эрдэхтэн

Кыайыылаах эргиллэн,

Эйэлээх олоҕу

Түстүөхпүт турдаҕа!