Бүгүн, муус устар 15 күнүгэр, Б.Ойуунускай аатынан Литература түмэлигэр саха биллиилээх бэйиэтэ, ССРС Суруйааччыларын сойууһун чилиэнэ Гавриил Григорьевич Вешников-Баал Хабырыыс төрөөбүтэ 105 сылыгар аналлаах ахтыы киэһэтэ буолла.
Ахтыы киэһэтигэр суруйааччылар, литератураны чинчийээччилэр, бэйиэт аймахтара, Уус Алдан улууһун Курбуһах нэһилиэгин дьаһалтата, биир дойдулаахтара, Баал Хабырыыс айымньыларын сэҥээрээччилэр саха норуотун муудараһын, баай култууратын дириҥник өйдүүр, оҕо талааннаах суруйааччыта, лиирик-бэйиэт Гавриил Григорьевич Вешников-Баал Хабырыыс олоҕун, айар үлэтин ахтан-санаан аастылар.
Маны сэргэ, Литература түмэлэ бэйиэт хоһооннорун тылын-өһүн, ис хоһоонун нөҥүө ийэ тылга кэрэхсэбили үөскэтэр, төрөөбүт дойдунан киэн туттарга, ытыктыырга үөрэтэр соруктаах “Туох диирий сүрэҕим” диэн үөрэнээччилэр төрөппүттэрин кытары хоһоон ааҕыыларын куонкуруһун ыытар.
Куонкуруска Дьокуускай куорат уонна куорат таһынааҕы оскуолалар үөрэнээччилэрэ уонна төрөппүттэрэ (үөрэнээччи эбэтэ, эһэтэ) кытталлар. Кыттааччылар Баал Хабырыыс нууччалыы тылбаастаммыт хоһооннорун ааҕыахтарын сөп. Үөрэнээччи төрөппүтүн кытары биир хоһоону эбэтэр бэйиэт атын хоһоонун ааҕар.
Кыттааччылар сайаапкаларын муус устар 18 күнүгэр диэри биэрэллэр. Түмүк муус устар 21 күнүгэр таһаарыллыаҕа.
Кыайыылаах анал бирииһинэн наҕараадаланар. Кыттааччыларга барыларыгар Туоһу сурук туттарыллыаҕа, анал ааттар иҥэриллиэхтэрэ.
Сайаапкаларгытын konkursmuse2023@mail.ru электроннай почтаҕа ыытыҥ.
Билсэр төлөпүөҥҥүт: 8-4112– 428912.
Саха сиригэр өссө биир саанан ытыалаһыы быһылаана буолла. Бу сырыыга саанан ытыалаһыы Чурапчы улууһугар бэлиэтэннэ.…
Өлүөхүмэ улууһугар Өлүөхүмэ, Чаара уонна Тээнэ өрүстэргэ муус салгыы устар. Улуус баһылыга Николай Харбин бэйэтин…
Бэҕэһээ Кириэмил Улахан дыбарыаһын Андреевскай саалатыгар бэрэсидьиэн солотугар киириитин сиэрэ-туома буолла. Саха сириттэн Ил Дархан…
Украина 2022 сыллаахтан мөлүйүөн аҥаарын кэриҥэ саллаатын сүтэрбитин туһунан РФ Оборуона миниистирэ Сергей Шойгу кэпсиир.
ХИФУ Инженернэй-тиэхэньиичэскэй үнүстүүтүн устудьуонката, «INNIKI Design» бренд ааптара Изабелла Дордосова ыам ыйын 26 күнүгэр «Дельта»…
Сарсын, ыам ыйын 9 күнүгэр, дойду киин куоратыгар сарсыарда 10:00 чаастан (Москва бириэмэтинэн) Кыһыл болуоссакка…