Лия Седалищева бастакы айар түһүлгэтэ

Share

Норуоттар доҕордоһууларын күннэрин көрсө, сэтинньи 1 күнүгэр, кыһыммыт бастакы киэһэтигэр, Арчы дьиэтигэр Опера уонна балет тыйаатырын хуорун артыыската, элбэх ырыа күрэстэрин кыайыылааҕа Лия Седалищева «Баҕа санаа кынатынан» бастакы айар түһүлгэтэ ыытылынна.

Бу киэһэ Лия Седалищева иэйиилээх ырыаларынан, кэрэ куолаһынан мустубут дьону сэргэхситтэ. Кини репертуарыгар сахалыы, нууччалыы уонна атын омук тылларынан ырыалар киирбиттэр. Ырыаһыт бэйэтин истиҥ иэйиилэрин, санааларын дьон-сэргэ сүрэҕэр тиэрдэр кыаҕын көрдөрдө.
Түһүлгэҕэ Лияны кытта бииргэ үлэлиир, айар куттаах доҕотторо кыттыыны ыллылар. Ол курдук, Опера уонна балет тыйаатырын талааннаах солистката Зинаида Колодезникова, айбыт аҕата Анатолий Седалищев, бииргэ төрөөбүт эдьиийэ, эстрада чаҕылхай ырыаһыта Айса, Кирилл Матвеев, Василий Пинигин, Иннокентий Черемкин уо.д.а. ылбаҕай ырыаларынан эҕэрдэлэрин тиэртилэр.
Бу киэһэни саха эстрадатын биир чаҕылхай сулуһа, ырыаһыт уонна ыытааччы Кеша Алексеев иилээн саҕалаан ыытта.
Онон бу күн Лия Седалищева айар үлэтин билиниитэ, кини талаанын кэрэһитэ буолла. Ыллаабыт ырыалара сүрэхтэн сүрэххэ тиийэн, долгуттулар.
Ынырыылаах ыалдьыттар: опера биллэр артыыстара Айталина Адамова, Анегина Дьяконова, Анна Дьячковская алгыс тылларын эттилэр. Кинилэр Лияны талааннаах ырыаһыт быһыытынан билинэллэрин, кини куолаһа Саха сирин эйгэтин киэргэтэрин бэлиэтээтилэр. Артыыстар Лияҕа айар үлэтигэр өссө үрдүк ситиһиилэри баҕаран туран, бэйэлэрин истиҥ эҕэрдэлэрин тиэртилэр. Маны таһынан, Амма улууһун дьаһалтата, Болугур нэһилиэгин землячествота, аймах-билэ дьоно-сэргэтэ Лияҕа айар үлэтигэр өссө үрдүк ситиһиилэри баҕаран туран бэлэхтэрин туттардылар.
«Баҕа санаа кынатынан» диэн ааттаммыт бу түһүлгэ, Лия Седалищева саҥа таһымҥа тахсыбытын, айар үлэтин кэҥэппитин туоһулаата. Мустубут ыалдьыттар ыллыыр-туойар дьоҕурдаах Лияны өссө күүскэ өйөөтүлэр, кини инникитин даҕаны элбэх ситиһиилэри оҥоруо диэн эрэннилэр. Бу киэһэ Лия Седалищева талаана чаҕылхайдык тыкта, дьон сүрэҕэр умнуллубат кэрэ иэйиини сахта.

Любовь КОНСТАНТИНОВА

Recent Posts

  • Сонуннар
  • Уопсастыба
  • Үөрэх

Мэдиссиинэ университетын устудьуона Бэрэсидьиэҥҥэ ыйытыы биэрдэ

Дойду Бэрэсидьиэнэ Владимир Путин сылы түмүктүүр пресс-кэмпириэнсийэтигэр тыһыынчанан ыйытыы киирэр. Онтон биирдэстэрин мэдиссиинэ университетын 5-с…

9 минут ago
  • Култуура
  • Сонуннар

Владимир Путин Арассыыйа Дьоруойа Андрей Григорьев туһунан киинэни өйүүрүн биллэрдэ

Владимир Путин Саха сириттэн төрүттээх Арассыыйа Дьоруойа Андрей Григорьев туһунан киинэни өйүүрүн биллэрдэ. Саха сириттэн…

25 минут ago
  • Сонуннар
  • Сүрүн

Владимир Путин: “Арассыыйаҕа 2025 сылга 103-105 мөл кв.м. олорор дьиэни тутуохтара”

Арассыыйаҕа саҥа дьиэни үлэҕэ киллэрии кээмэйэ 2025 сыл түмүгүнэн былырыыҥҥытааҕар кыратык аччыаҕа уонна 103-105 кв.м.…

1 час ago
  • Сонуннар
  • Уопсастыба

Арассыыйа компромисска бэлэм

Арассыыйа Бэрэсидьиэнэ Владимир Путин сыл түмүктэрин таһаарар быһа эпииригэр киниттэн NBC суруналыыһа Кир Симмонс, Москва…

1 час ago
  • Байыаннай эпэрээссийэ
  • Сонуннар

2025 сылга 400 тыһ. тахса киһи байыаннай сулууспаҕа хантараак түһэрсибит

“Владимир Путины кытта сыл түмүктэрэ” бырагыраама судаарыстыба баһылыгын улахан пресс-кэмпириэнсийэтэ уонна быһа лииньийэтин ситимниир “Владимир…

1 час ago
  • Сонуннар
  • Уопсастыба

Түһээн аччыаҕа

Дойду Бэрэсидьиэнэ Владимир Путин сыл түмүктэрин таһаарар быһа эпииригэр, НДС-ка түһээн үрдээһинин сыала-соруга бүддьүөт тэҥнэһиитин…

2 часа ago