Лондоҥҥа киинэ бэстибээлэ сахалыы тыннаныа

Алтынньы 12 күнүгэр Саха сиригэр уһуллубут үс киинэни Лондоҥҥа 18-с Аан дойдутааҕы төрүт омуктарга аналлаах «Native Spirit» киинэ бэстибээлин аһыллыытыгар көрдөрүөхтэрэ.

Владимир Кочарян «Якутия —между мирами» документальнай киинэтэ, Кыһыҥҥы Ойуур «Сүппүт суруктар» анимационнай тэттик киинэтэ уонна Айаал Адамов «Айыы Куо» уус-уран тэттик киинэтэ.

Ону ааһан, бэстибээл аһыллыытыгар саха култууратын үгэһинэн хомус тыаһыа уонна салама ыйаныа диэн тэрийээччилэр бэлиэтииллэр. Өссө бэстибээл бигэргэммит постерынан саха худуоһунньуга Семён Луканси хартыыната буолла.