Халлаан тымныйан, ардай аһыылаахтар элбээтилэр. Онон бөрөһүттэргэ түбүктээх күннэр саҕаланнылар. Иллэрээ күн Мэҥэ Хаҥаласка бөрөнү бултааһын сезонун биир дьикти көстүүтүнэн Лоомтукаҕа дьикти дьүһүннээх бөрөнү бултаабыттара буолар.
Былырыыҥҥыттан бөрөнү сонордоһуунан дьарыктанар Петр Кириллин, Константин Прокопьев, Николай Дьячковскай диэн эдэр дьон дэриэбинэттэн 20-чэ км курдук тэйиччи сиргэ ииппит хапкааннарыгар иллэрээ күн иҥнибит. Хапкааҥҥа иҥнибит адьырҕа сирэйэ маҥан, уопсай ыйааһына 60-ча киилэ курдук. Атаҕын тыҥыраҕа, тилэҕэ эмиэ маҥаннаах. Ону тэҥэ кутуругар хоболоох (саамай төбөтүгэр маҥан курдуктаах). Онон дьикти көстүүлээх, ыкка майгынныыр да диэххэ сөп, бөрөнү РНА Ирбэт тоҥ биологияҕа кыһалҕаларын үөрэтэр институкка чинчийиигэ ыытыахтара.
Ити курдук, бу ааһан эрэр 2022 сылга Мэҥэ Хаҥалас оройуонун булчуттара хайыы-үйэ 15 сур бөрөнү бултаатылар. Итинтэн Чыамайыкы нэһилиэгэр айылҕа харыстанар сиригэр-уотугар – 8, Лоомтукаҕа, Маттаҕа, Тиэлигигэ дьон уопсай бултуур сиригэр –7 сууһардылар. Итинтэн Чыамайыкы нэһилиэгэр Семен Уткин салайааччылаах бөлөх –8, Лоомтукаҕа Петр Кириллин, Константин Прокопьев, Николай Дьячковскай –3, Маттаҕа Дмитрий Протодьяконов салайааччылаах бөлөх –3, Тиэлигигэ Михаил Лукин –1 бөрөнү бултаатылар.
“Мэҥэ Хаҥалас улууһун сиригэр-уотугар бөрө ахсаанын сүрүннүүргэ уонна бултааһыны тэрийиигэ көмөнү “Мэҥэ Хаҥалас улууһа” МТ дьаһалтата уонна оройуон булчуттарын уонна балыксыттарын уопсастыбата оҥордулар”, — диир СӨ Экологияҕа министиэристибэтин Судаарыстыба экологияҕа кэтэбилин Мэҥэ Хаҥалас оройуонугар иниспиэксийэтин салайааччыта Антонина Никитина.
Хаартысканы: А.М.Никитина ыытта.
Ленскэйгэ оройуоннааҕы балыыһа санитарката сууттанна. Балаҕан ыйын 16 күнүгэр Ленскэйдээҕи оройуон суутунан, 49 саастаах дьахтар…
Балаҕан ыйын 18-21 күннэригэр Дьокуускайга Преображенскай собуорга Сибэтиэй Боҕоруодьусса курун сорҕото аҕалыллан, дьоҥҥо көрдөрүүгэ туруоҕа.…
Бүгүн сарсыарда саайпытыгар Дьокуускай куоракка Сайсары күөлгэ 2000 с.т. эр киһи тимирбитин туһунан иһитиннэрбиппит. Күөл…
Балаҕан ыйын 26-28 күннэригэр Саха сиригэр аан бастаан Бүтүн Арассыыйатааҕы үҥкүү спордун күрэхтэһиитэ буолуоҕа, онно…
2025 сылга Саха сиригэр биэс муоста тутуллан бүтэрэ былааннанар. Бу туһунан тырааныспар уонна суол хаһаайыстыбатын…
Өлүөхүмэ куорат баһылыга Сергей Щебляков бэйэтэ баҕа өттүнэн астаапкаҕа барда. Бу туһунан "Өлүөхүмэ" оройуоннааҕы хаһыат …