Хаартыска: Photo by Mohamed Hassan form PxHere
Уһук Илин олохтооҕо 20 лотерея билиэтин атыылаһан, 31,5 мөлүйүөнтэн тахса солкуобайы сүүйбүтүн туһунан РИА-ҕа РФ Үпкэ министиэристибэтэ тэрийэр Бүтүн Арассыыйатааҕы судаарыстыбаннай «Национальнай лотерея» пресс-сулууспата иһитиннэрдэ.
«Уһук Илин олохтооҕо Татьяна «Супер 8″ лотерея 8571 №-дээх тираһыгар супер-бирииһи ылан, олоҕор саамай улахан сууманы – 31 583 076 солкуобайы сүүйдэ. Дьоллоох кыайыылаах бастаан утаа атыыласпыт билиэттэрин умнан кэбиспит уонна кэлин өйдөнөн, бэрэбиэркэлииргэ быһаарыммыт. Биир билиэтэ кинини мультимиллионер оҥордо», — диэн иһитиннэрдэ.
Татьяна этэринэн, кини супер-бирииһи ылыан баҕарбыта ырааппыт. Кини атыыласпыт сүүрбэ билиэтиттэн биэһэ кыайыылаах билиэт этэ, олортон биирдэстэрэ киниэхэ баҕалаах улахан бирииһин аҕалбыта.
Кыайыылаах нүөмэрдэрин талар кэмигэр туох да стратегияны туһамматах, кини плюс бэлиэлээх билиэттэри талан ылан, дьылҕа тугу биэрэригэр эрэнэргэ быһаарыммыт.
Билигин Татьяна ахсынньы 19 күнэ киниэхэ тус дьоллоох күнэ буоларыгар эрэллээх.
Татьяна кыайбыт харчытын сорҕотун баҕа санаатын туоларыгар ыытар былааннаах — муора кытылыгар кыбартыыраны атыылаһыаҕа. Сорох чааһын үтүө дьыалаҕа ыытыаҕа.
Саха сирин амарах, үтүө санаалаах дьоно тиһигин быспакка анал байыаннай дьайыыга сылдьар, госпиталларга сытар биир…
Мэҥэ Хаҥалас улууһугар Аллараа Бэстээх сэлиэнньэтигэр учаастактааҕы балыыһа үөрүүлээх аһыллыыта буолла. 1200 кв. миэтэрэттэн тахса…
Амма улууһун Олом Күөлүн эргин ардай аһыылаах бөрөлөр баалларын туһунан “Наахара” бааһынай хаһаайыстыбатын баһылыга Егор…
Хаҥалас улууһугар дьахтар бииргэ олорор эр киһитин быһаҕынан анньан эчэтэн, холуобунай дьыала тэрилиннэ. Биир сарсыарда…
Өксөкүлээх Өлөксөй аатынан Норуоттар доҕордоһууларын дьиэтигэр «НовоГОДний лабиринт МультиВСЕленной» диэн оҕо тыйаатырын туруоруутун көрдөрдүлэр. Манна…
Ааһан эрэр 2025 сылы туһанааччылар иэһэ суох түмүктүүллэрин туһугар “СӨ ОДьКХ” ГУП Саҥа дьылы көрсө…