Хаартыска: perfectstock.ru/photo
Кэлэр 2024 сыл илиҥҥи халандаарынан — Күөх Луо сыла. Бу сылга Саҥа дьыллааҕы сандалыга туох ууруллара ордугуй? Туох көҥүллэммэтий?
Куйаар ситимин ырытан көрдөххө, Луо (Дракон) сылын остуолугар маннык астары бэлэмниир ордук:
— Эт астар (ынах, чооску, индейка, кус, бараан эттэрэ), балык (семга, форель, лосось, мидия, креветка);
— Эриэхэ уһун үйэлэниини уонна баайы-дуолу бэлиэтиир. Онон эриэхэ ханнык баҕарар көрүҥүн сүрүн бүлүүдэ, сокууска, аска эбилик даҕаны быһыытынан ууруохха сөп;
— Кыһыл өҥнөөх фрукта: гранат, дьаабылака, клубника, мандарин;
— Күөх өҥнөөх оҕуруот аһа уонна салааттар (шпинат, петрушка, кинза) үүнүүнү-сайдыыны бэлиэтииллэр.
Остуолга тугу уурбаккытыгар сүбэлииллэр:
— Хоруолук этин. Кытай астрологиятынан хоруолук луо өстөөҕө эбит, онон сыл бэлиэтэ кыыһырыан сөп дииллэр;
— Полуфабрикаттары уонна аһаҕас уокка буһарыллар бүлүүдэлэри астаамаҥ дииллэр, кытыастар уоту көрөн луо кыйаханыа диэн өйдөбүллээхтэр;
— Халбаһыны уонна ыыһаммыт аһылыктары бырааһынньык остуолугар уурбаккытыгар сүбэлииллэр;
— Луо кэнсиэрбэлэммит балыгы буолбакка, сибиэһэйдии бэлэмнэммит муора бородууктатын ордорор диэн бэлиэтииллэр, онон уһуннук харайыллары туһамматах ордук дэһэллэр;
— Сыалаах уонна сытыы, хатан амтаннаах бүлүүдэлэри астаамаҥ диэн сүбэлииллэр.
Саха итэҕэлинэн үүнэр 2024 сыл Айыыһыт сыла. Онон илиҥҥи астрология этиитин тутуһаргыт-тутуспаккыт бэйэҕит быһаарыныыгыт.
Сэтинньи 22 күнүгэр Дьокуускай куоракка биир дойдулаахпыт, киэн туттар киһибит, Саха Өрөспүүбүлүкэтин өрөгөйүн ырыатын хос…
Сэтинньи 23 күнүгэр Усуйаанатааҕы ЕДДС Уйаандьы сэлиэнньэтин баһылыгын солбуйааччытыттан икки киһи сүппүтүн туһунан суһал иһитиннэрии…
Аммалар күндү күтүөттэрэ, Бөтүҥ нэһилиэгин олохтооҕо, тимир ууһа Георгий Олесов-Дьулус Уус сөбүлүүр дьарыга киниэхэ аҕатын…
Сэтинньи 19-23 күннэригэр Москваҕа П.И.Чайковскай аатынан консерваторияҕа эдэр пианистарга норуоттар икки ардыларынааҕы II куонкурус үрдүк…
Соторутааҕыта «Айар Кут сойуус» уонна Нам улууһун «Отуу уота» суруйааччыларын, хоһоонньуттарын түмсүүлэрин чилиэнэ, үлэ бэтэрээнэ…
Былыр-былыргыттан сахалар оҕо төрөөн киһи-хара буолуор диэри оҕолорун олохторун ырыҥалыыллара. Саастарын ситтилэр даҕаны ыал оҥортуурга…