С.Иванова
Бүгүн «Саха сиригэр любительскай балыктааһын: кыһалҕалар уонна сайдыы суоллара» диэн тиэмэҕэ «төгүрүк остуол» ыытылынна.
Тэрээһини киирии тылынан СӨ Бырабыыталыстыбатын Бэрэссэдээтэлин солбуйааччы Ольга Балабкина арыйда. Ольга Валерьевна, бастатан туран, бу от ыйын иккис өрөбүлүгэр Балыксыт күнэ бэлиэтэнэринэн «төгүрүк остуол» ыытылларын эттэ. Кини этэринэн, Саха сиригэр бырамыысыланнай балыктааһын чөлүгэр түһэр. Ол курдук, балыктыыр хаһаайыстыбаларга киэҥ хабааннаах чөлүгэр түһэрии, чэбдигирдии ыытылларын туһунан бэлиэтээтэ. Маны тэҥэ хоту дойду аҕыйах ахсааннаах норуоттарыгар балыктааһын эмиэ улахан суолталааҕын ыйан туран, мустубут дьону «төгүрүк остуолга» балыктааһын туһунан ирэ-хоро кэпсэтэргэ ыҥырда.
Салгыы О.В.Балабкина бастыҥ үлэһиттэргэ наҕараадалары туттарда. Ол курдук, Семен Евсеев, Ольга Соловьева, Екатерина Федорова, Николай Кучеров, Прокопий Кириллин наҕараадаланнылар.
Росрыболовство Илин Сибиирдээҕи управлениетын сирдээҕи-уоттааҕы салаатын салайааччы Николай Кучеров эҕэрдэлээн туран, бастыҥ үлэһиттэри, балыксыттары наҕараадалаата.
Ол кэнниттэн тустаах тиэмэҕэ санааларын атастастылар.
Прокопий Кириллин любительскай балыктааһыны тэрийиигэ өссө даҕаны инфраструктура ситэ сайда илигин ыйда. Кини Булуҥ Тиксиитигэр балыктааһын болдьоҕун чопчулааһын уо.д.а. курдук боппуруостары таарыйда.
Николай Кучеров сайаапканы биэрии бэрээдэгин уонна балыктыыр тэриллэргэ маркировканы ылыы туһунан кэпсээтэ. Азамат Бадтиев эмиэ любительскай балыктааһын путевкаларын туһунан иһитиннэрдэ.
«Дьокуускайдааҕы ВНИРО»-тан Елена Карпова «Уу биоресурсаларын балыктааһын сууккатааҕы нуормаларын, ону чопчулааһын туһунан» иһитиннэриитэ интэриэһи тарта. СӨ Экологияҕа, айылҕаны туһаныыга, ойуур хаһаайыстыбатыгар миниистирин солбуйааччы Анатолий Алексеев бэлиэтээбитинэн, бу тиэмэ ордук Халыма улуустарыгар олус суолталаах.
СӨ Урбааҥҥа миниистирин солбуйааччы Мария Карпова балыктааһын туурдарын тэрийии экэниэмикэтин билиһиннэрдэ. Кини этэринэн, маннык туурдар сыаналара 10 тыһ. саҕалаан 350 тыһ. тиийэр эбит. Балыктааһын туризмын тэрийиигэ Саха сирэ бэһис миэстэҕэ иһэр. Круизнай туризмы, этно-гастро, кыһыҥҥы туризмы сайыннарар баҕалаахтарын министири солбуйааччы эттэ.
Евгений Медведев уомул болдьоҕун балаҕан ыйын 20 күнүттэн алтынньы 15 күнүгэр диэри уһатарга быһаччы этии киллэрдэ.
Бу курдук тэрээһиҥҥэ балыктааһын араас кыһалҕаларын тула кэпсэттилэр.
Хаартыска: Саргылана Иванова
Тохсунньу саҕаланыаҕыттан Дьокуускайга саастарын ситэ илик оҕолор уруулга олорон, иккитэ массыына саахалланыытын таһаардылар. Тохсунньу 8…
Бу көҕүлээһининэн Уопсастыбаннай балаата дьарыктана сылдьар. "Дьиэ кэргэн стипендията" ый аайы төлөнүөҕэ уонна тиийинэн олоруу…
Авиахампаанньалар кулун тутар 1 күнүттэн пассажирдарга эрдэттэн көтүү усулуобуйатын, билиэккэ киирбит уларыйыылар, көтүүттэн аккаастаныы уонна…
Уус Маайа улууһун борокуратуурата дьахтарга көрүллүбүт күһэлэҥ үлэни накаастабыл атын көрүҥүнэн солбуйар туһунан суут көрбүт…
Нам улууһун Аппааны сэлиэнньэтигэр “Култуура” национальнай бырайыагынан 2022 сыллаахха тутуллубут Култуура дьиэтигэр наадалаах малы-салы киинэни…
Арассыыйаҕа ипэтиэкэни хос аахтарыыга (рефинансированиеҕа) киирэр уларыйыылар олунньу 1 күнүттэн олоххо киириэхтэрэ – комбинированнай ипэтиэкэ…