С.Львова хаартыската
Бэҕэһээ «Путь воина» күрэхтэһии бастакы түһүмэҕэр Саха сирин «Боотур» хамаандата уонна Хабаровскай «Амурские воины» хамаанданы кыайбыта. Биһиги хамаандабыт уопсайа 12 киһиттэн турар. Күрэхтэһиигэ уоннуу киһи кыттар, икки – саппаас.
Бу күрэхтэһиигэ уустук сүүмэрдээһини ааһан, Үөһээ Бүлүү улууһуттан 16 саастаах Любовь Михайлова кытта сылдьар. Кыыс уолаттартан харыс да хаалсыбакка тэҥҥэ сылдьар, бу күрэхтэһиигэ штурмовик эбит. Кини бу түһүмэххэ хайдах кыттыбыттарын кэпсиир:
— Биһиги Саха сирин араас улуустарыттан сүүмэрдээһини ааһан, талыллан манна кэлбиппит. Сайыны быһа бэлэмнэммиппит. Бары бииргэ сүүрэн. Сыылан, гранатаны быраҕан, пневматическай уонна лазернай бинтиэпкэнэн ытарга үөрэммиппит. Инструктордарбыт олус үчүгэйдик быһааран, байыаннай ньымаларга үөрэппиттэрэ. Бу сарсыарда эрдэ туран, 7:00 ч. полигоҥҥа кэлээт, оонньуубут саҕаламмыта. Хамаандабытыгар уопсайа уон киһи кыттар. Бастаан хайдах эрэ, туохпут даҕаны табыллыа суоҕа диэн долгуйбуппут. Онтон өйбүтүн-санаабытын сааһылаан, сөптөөх тактиканы тутуһан кыайдыбыт. Хабаровскайдарга биир киһи, хамандыырдара эрэ «тыыннаах» хаалла. Биһиэхэ – биэс киһи. Барыта этэҥҥэ ааста, иннибитигэр өссө даҕаны уустук түһүмэхтэр бааллар, кыайыыга дьулуһабыт.
«Кыһын Саха сириттэн саҕаланар» бэстибээл чэрчитинэн бэрт үгүс тэрээһин буолан ааста. Биир оннук дьон уоһуттан…
Бу 2025 сыл тохсунньутуттан ахсынньы 2 күнүгэр диэри Амур уобалаһын уонна Саха Өрөспүүбүлүкэтин Россельхознадзорун управлениетын…
Өрөспүүбүлүкэбитигэр «Үһүс көлүөнэ оскуолата» тэриллэн үлэлээбитэ балай да кэм ааста. Аҕам саастаах дьон, дьиэҕэ хаайтаран…
Дьокуускай куоракка «Биир ньыгыл Арассыыйа» баартыйа уопсастыбаннай өйөбүлүн ыстаабыгар Доброволецтар күннэригэр анаммыт тэрээһин буолан ааста.…
Арассыыйа норуотун артыыһа Лариса Долина кини кыбартыыратын атыыласпыт Полина Лурьеҕа 112 мөл. солк. төнүннэрэр санаалааҕын…
Дьокуускай куорат эмиэ биир сыл буолан баран, Уһук Илин уонна Арктика сыыппара киининэн кубулуйда. Төрдүс…