Хаартыска: дьоруой тиксэриитэ
Уус Алдан улууһун мэдиссиинискэй сиэстэрэлэрин махталлаах ыарыһахтар үксүгэр итинник ааттыыллар.
Кинилэр кыһамньыларынан уонна аһыныгас майгыларынан үгүс ыарыһах атаҕар турар, олоххо дьулуура, эрэлэ күүһүрэр уонна урукку олоҕор төннөр.
Уус Алдан улууһун доруобуйатын харыстабылыгар Оройуоннааҕы киин балыыһа кылаабынай мэдиссиинискэй сиэстэрэтэ Любовь Нестерова салалтатынан сүүсчэкэ мэдиссиинискэй сиэстэрэ дьон доруобуйатын араҥаччылыыр.
Любовь Семеновна мэдиссиинискэй сиэстэрэнэн 30-ча сыл үлэлээтэ. Үлэтин 2009 сылтан бастаан анестезистка-сиэстэрэнэн саҕалаабыта, онтон 2014 сылтан – оройуоннааҕы балыыһа кылаабынай мэдиссиинискэй сиэстэрэтэ.
-Биһиги үлэбит чахчы олус эппиэтинэстээх уонна дириҥ мэдиссиинискэй билиини, быраактыкаҕа улахан үөрүйэҕи эрэйэр. Ол гынан баран, биһиги быраас анаабыт эмиттэн-томуттан ураты ыарыһаҕы үтүө тылбытынан өйүөхтээхпит диэн эдэр биир идэлээхтэрбэр куруук этэбин, – диэн Любовь Семеновна кэпсиир. – Мин сүрэҕим этэринэн мэдиссиинискэй сиэстэрэ буолбутум. Оҕо сааспыттан дьоҥҥо көмөлөһүөхпүн, кинилэр ыарыыларын чэпчэтиэхпин баҕарар этим. Идэбин таларбар сыыспатахпын дии саныыбын. Идэбин олус сөбүлүүбүн, эмтэнээччилэрбит үтүөрэн таҕыстахтарына ис сүрэхпиттэн үөрэбин.
Биир идэлээхтэрбин мэдиссиинискэй сиэстэрэ аан дойдутааҕы күнүнэн эҕэрдэлээн туран, чэгиэн доруобуйаны, тус олохторугар дьолу баҕарабын!
Сэтинньи 25-26 күннэригэр саха тылын, литэрэтиирэтин, култууратын учууталларын өрөспүүбүлүкэтээҕи III сийиэһэ ыытыллаары турар. Сийиэскэ сүүрбэччэ…
Саха сирин уустара Москваҕа ыытыллыбыт «Клинок – үгэс уонна аныгы кэм» норуоттар икки ардыларынааҕы быыстапка…
Дьокуускайга ыытыллар Дмитрий Коркин аатынан норуоттар икки ардыларынааҕы күрэхтэһиигэ Беларусь сүүмэрдэммит хамаандатын састаабыгар эр дьоҥҥо…
Алдан улууһун борокуратуурата сокуону кэһэн азартнай оонньуулары тэрийиигэ уонна ыытыыга буруйданар улуус икки олохтооҕун утары…
Дьокуускай куорат дьаһалтатыгар "Кыһын Саха сириттэн саҕаланар" өрөспүүбүлүкэтээҕи бэстибээл тэрийэр хамыыһыйатын мунньаҕа буолла. Мунньаҕы куорат…
Муома улууһун Кустуур сэлиэнньэтигэр сэтинньи 6 күнүгэр И.Н. Слепцов аатынан агро-оскуола «Уйа» бырайыагын чэрчитинэн тутуллубут…