Любовь Папок «Былаастыын кэпсэтии» биэриигэ ыалдьыттыаҕа

Саха Өрөспүүбүлүкэтин Ил Дарханын иһинэн Архитектураҕа уонна Куорат тутулугар салалта салайааччыта Любовь Папок сэтинньи 7 күнүгэр, бэтинсэҕэ, күнүс 13 чаас 5 мүнүүтэҕэ НВК «Саха» «Тэтим» араадьыйатын (FM 107,1) «Былаастыын кэпсэтии» диэн быһа эпииргэ кыттыыны ылыаҕа.

Быһа эпиир кэмигэр араадьыйа истээччилэргэ инфраструктура сүрүн эбийиэктэрин, Уһук Илин федеральнай уокурук муниципальнай тэриллиилэригэр куораттааҕы эйгэни тупсарыыга бастыҥ бырайыактар IV куонкуруһун кыайыылаахтарын туһунан кэпсиэхтэрэ. Арассыыйа Бэрэсидьиэнэ көҕүлээбит «Олоххо анаммыт инфраструктура» национальнай бырайыагы уонна «1000 тиэргэн» федеральнай бырайыагы олоххо киллэрии чэрчитинэн сирдэри тупсарыы уонна географияны кэҥэтии туһунан информация бэриллиэҕэ. Ону таһынан, өрөспүүбүлүкэ архитектуратын уонна куорат тутуутун хайысхатыгар турар соруктары билиһиннэриэхтэрэ. Арааадьыйа истээччилэр «Былаастыын кэпсэтии» биэрии быһа эпиирин кэмигэр устуудьуйа төлөпүөннэригэр эрийэн, ыйытыылары биэриэхтэрин сөп: 8 (4112) 32-00-66 уонна 32-11-66. Быһа эпииргэ этиллибэтэх ыйытыылар араадьыйа биэриитин кэннэ кыттыылаахха бэриллэллэр.