Людмила Кузнецова пауэрлифтиҥҥэ Арассыыйа чөмпүйүөнэ

Алдан оройуонуттан сылдьар Людмила Кузнецова пауэрлифтиҥҥэ Арассыыйа чөмпүйүөнүн аатын ылары ситистэ.

Кини Тула куоракка ыытыллыбыт Арассыыйа пауэрлифтиҥҥэ бастыыр иһин күрэхтэһиитигэр 14-18 саастаах кыргыттарга, 52 кг диэри ыйааһыҥҥа кыайыыны ылары ситистэ, абсолютнайга бастыҥынан буола. Ол туһунан Физическэй култуура уонна маассабай успуорт управлениетын пресс-сулууспата иһитиннэрэр.

Спортсменка «классическай троеборье» дьиссипилиинэҕэ кыттынна уонна 370,0 кг сууманы хомуйда (140,0+82,5+147,5).

Саха сирин аатыттан спортсменканы уонна кини тириэньэрин үрдүк ситиһиилэринэн эҕэрдэлииллэр.