Вячеслав Ефимов хаартыскаҕа түһэриилэрэ
Владивосток куоракка художественнай гимнастикаҕа Уһук Илин чөмпүйэнээтэ түмүктэннэ. Мэтээл туһугар 170 оҕо Еврейскэй автономнай өрөспүүбүлүкэттэн, Сахалинскай, Амурскай уобаластартан, Хабаровскай, Камчатскай, Приморскай, Забайкальскай кыраайдартан, Бурятияттан уонна биһиги өрөспүүбүлүкэбититтэн кытыннылар.
Саха сирин устуоруйатыгар аан бастакытын художественнай гимнастикаҕа дьоһун ситиһии кэллэ. Ол курдук, юниордарга Саха сирин сүүмэрдэммит хамаандата бөлөҕүнэн дьарыктаныыга икки бастакы миэстэни уонна үһүс миэстэни многоборьеҕа ылла. Маны таһынан кыргыттар успуорт маастара нуорматын толордулар. Сүүмэрдэммит хамаанда билигин Ульяновскай куоракка художественнай гимнастикаҕа аатырбыт тириэньэр Татьяна Грибкова оскуолатын баазатыгар тириэньэрдэр Оксана Казанцеваҕа уонна Яна Карпекинаҕа дьарыктана сылдьаллар.
«Биһиги бастакыбытын Уһук Илин чөмпүйэнээтигэр маннык дьоһуннаах ситиһиилэннибит. Бу биһиги барыбыт үлэбит түмүгэ буолар. Хамаандабыт бу ситиһиигэ уһуннук айаннаата. Кыргыттарбыт успуорт маастара буолары ситистилэр. Спортсменкалары эҕэрдэлибин, уһун сыралаах дьарыккытынан ситиһиилэннигит! Маладьыастар!», — диэн художественнай гимнастикаҕа СӨ Федерациятын бэрэсидьиэнэ Людмила Николаева эҕэрдэлээтэ.
Тус бастыыр иһин Зарина Борисова лиэнтэлээх упражнениеҕа иккис, многоборьеҕа сэттис миэстэни ылары ситистэ. Онон Уһук Илиҥҥи федеральнай уокурук сүүмэрдиир хамаандатыгар киирэри ситиһэн, Арассыыйаҕа бастыыр иһин кыттар быраабы ылла.
Ил Дархан Айсен Николаев оҥорон таһаарыы уонна туһаныы бөҕүн-сыыһын, ол иһигэр кытаанах тобохтору (КТ) туһаныы…
Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников, РФ Бэрэсидьиэнин Владимир Путин пресс-кэмпириэнсийэтин түмүктэринэн Саха…
Бу сыл ахсынньы 18 күнүгэр Уус-Маайа улууһун суута Элдьикээн бөһүөлэгин олохтооҕор РФ ХК 111-с ыстатыйатын…
Былаас бэрэстэбиитэллэрэ, бырамыысыланнас хампаанньаларын салайааччылара уонна байыаннай дьайыы кыттыылаахтара хамсанар кыахтарын сүтэрбит буойуннарга көмө оҥоруутун…
Ахсынньы 23 күнүгэр Дьокуускай бириэмэтинэн күнүс 12:00 чааска Айсен Николаев сыл аайы оҥоһуллар Ил Түмэҥҥэ…
В.П.Решетников аатынан кырдьаҕастар уонна инбэлииттэр өрөспүүбүлүкэтээҕи интэринээт-дьиэлэригэр олорооччулар күннэрэ бэйэ-бэйэтигэр маарыннаһар: биир кэм бэрээдэктээх күннэр,…