Маалтааныга түөрт кыбартыыралаах дьиэ тутуллар

«Хаарбах дьиэттэн көһөрүү» бырагыраама чэрчитинэн Горнай улууһугар  Маалтааныга дьиэ тутуллар.

Бу күннэргэ улуус баһылыга Никита Андреев, улуус баһылыгын бастакы солбуйааччы Алгыс Стручков, нэһилиэк баһылыга Дмитрий Борисов, тутуу уонна архитектура управлениетын салайааччы Николай Дьяконов уонна  исписэлиис  Владимир Текеянов буолан, «Хаарбах дьиэттэн көһөрүү» бырагыраама чэрчитинэн саҥа тутулла турар дьиэ үлэтин кытары билистилэр.

Уопсай дьиэ толору хааччыллыылаах,  түөрт кыбартыыралаах. Тутууну «Технопрофи» ХЭТ  тэрилтэ ыытар. Эбийиэк бу сыл бүтүүтүгэр диэри  түмүктэнэрэ былааннанар диэн улуус дьаһалтатын пресс-сулууспата иһитиннэрдэ.