Хаартыска: ааптар түһэриилэрэ
Бүгүҥҥүттэн, олунньу 17 күнүттэн Өлүөхүмэ улууһугар Саха Өрөспүүбүлүкэтин ситэриилээх былааһын отчуота саҕаланна. Оробуочай бөлөҕү Үөрэх уонна билим миниистирэ Нюргуна Соколова салайар. Миниистир салайааччылаах бастакы бөлөх сарсыарда эрдэттэн айаҥҥа турунан, эбиэт кэнниттэн номнуо бастакы сэлиэнньэҕэ — Маалыкааҥҥа отчуоттаата.
Отчуокка нэһилиэнньэ отучча бырыһыана кытынна. Олохтоохтор сылаас ситимҥэ холбонуу, сибээс боппуруоһун туруорсар. Ону таһынан, фельдшер-акушер пууна баар эрээри, босхо көрүллэр эмп кэлбэт, Маалыкааҥҥа тохтообокко, тустаах сэлиэнньэттэн 50-ча килэмиэтирдээх нэһилиэккэ Саҥыйахтаахха илдьэн хааллараллар, онтон тиийэн ылар уустуктардаах диэн этэллэр. Онон биирдии ыйынан буолбакка, үстүү ыйдааҕыны биирдэ суруйан биэрэллэрэ буоллар диэн туруорсаллар. Дьон-сэргэ ыйытыыларыгар барытыгар сиһилии хоруйу ыллылар.
Үөрэх уонна билим миниистирэ быыс булан алын сүһүөх оскуола үлэтин-хамнаһын кытта билистэ. Оскуола оҕотун ахсаана төһө да аҕыйаҕын иһин, тэрээһиннэргэ барытыгар көхтөөхтүк кытталлар, ситиһиилэнэллэр эбит.
Санатан эттэххэ, оробуочай бөлөх улуус нэһилиэктэрин барытын хабан олунньу 17-21 күннэригэр үлэлиэҕэ.
Саха Өрөспүүбүлүкэтин Бырабыыталыстыбатын 2024 сыллааҕы үлэтин отчуоттуур бөлөх Ньурба улууһугар оробуочай сырыыта олунньу 20 күнүгэр…
Бырабыыталыстыба ситэриилээх былааһа Өлүөхүмэ улууһугар ааспыт сыллааҕы үлэтин отчуотун иитинэн, салайааччылар нэһилиэнньэни приемнаатылар. Бөлөх салайааччыта,…
СӨ Бырабыыталыстыбатын ситэриилээх былааһын отчуота Өлүөхүмэ улууһугар буолан ааста. Барыта түөрт бөлөх үлэлээн, бэҕэһээ Өлүөхүмэ…
Кытай вирусологтара COVID-19 курдук дьону-сэргэни сутуйар кыахтаах саҥа коронавирус булбуттар. South China Morning Post (SCMP)…
Дьокуускай куорат «Триумф» успуорт уораҕайыгар олунньу 25 күнүгэр «Сила в единстве!» норуот аахсыйатын чэрчитинэн Бүтүн…
Ил Дархан Айсен Николаев Алтаҥҥа уунан хааччыйыы тиһигин тутуутун бэрэбиэркэлээтэ. Саҥа эбийиэк хаачыстыбалаах иһэр уунан…