Манчаары оонньууларыгар сүүмэрдээһин: эдэр бөҕөстөр первенствоҕа киирсиэхтэрэ

Кулун тутар 12-13 күннэригэр Дьокуускайга национальнай многоборьеҕа первенство ыытыллыаҕа.

Саха сиригэр успуорт саҥа биллэр-көстөр спортсменнарын эрэ буолбакка, Манчаары оонньууларын финалистарын быһаарыаҕа. Первенство 2007-2008 с.т. уолаттар уонна кыргыттар ортолоругар ыытыллар. Сүүрүүгэ кыттааччылар «Дохсун» успуорт комплексыгар киирсиэхтэрэ, атын күрэхтэһиилэр «Модун» успуорт уораҕайыгар ыытыллыахтара. Хас биирдии муниципальнай хамаандаттан биирдии спортсмены кытыннарыахтара. Арай Таатта улууһа Манчаары оонньуулара ыытыллар хаһаайына буолар быраабынан икки спортсмены туруоруоҕа.

Уолаттар биэс көрүҥҥэ киирсиэхтэрэ: национальнай ыстаҥа, тутум эргиир, мас тардыһыы, сүүрүү уонна хапсаҕай. Оттон кыргыттар үс эрэ көрүҥҥэ киирсэллэр — ыстаҥа, тутум эргиир уонна сүүрүү. Күрэхтэһии түмүгүнэн Таатта улууһугар Манчаары оонньууларын финальнай чааһыгар киирсэр 32 спортсмены (16-лыы кыргыттары уонна уолаттары) быһаарыахтара. Күрэхтэһиигэ национальнай многоборье чаҕылхай сулустара кытталлара күүтүллэр.

Бэрт соторутааҕыта, 2021 сыллаахха, Горнай улууһугар Манчаары оонньууларыгар уолаттар ортолоругар Кэбээйи улууһуттан Артем Дьяконов бастаабыта биллэр. Билигин кини Дыгын оонньууларыгар бастыҥ спорстменнарыттан биирдэстэринэн буолар.