Маанылаах аспыт — саламаат

Ыһыахтар чугаһаатылар. Дьон-сэргэ саламаат арааһын астыыр түбүгэр түһүө.

Маныаха икки судургу ырысыабы биэрэбит. Ааҕааччыбыт суруйан ыытта уонна «Якутская кухня» кинигэттэн ыллыбыт.

Сүөгэй саламаата

Наада буолаллар: сүөгэй — 600 г., чөчөгөй — 200 г., бурдук — 50 г., туус.

Сүөгэйгэ чөчөгөйү кутаҕын, бурдук, туус кутан баран ытыгынан ытыйаҕын. Ол кэнниттэн чугуун хобордооххо кутаҕын, буһара уураҕын. Оргуйбутун кэнниттэн уоту кыччатан биэрэҕин. Орто уокка балачча өр буһараҕын. Булкуйан биэрэ сылдьаҕын. Үрдүгэр арыыта таҕыстаҕына, өссө кыратык буһара түһэн ылаҕын. Хойуу, саһархай өҥнөөх саламааты иһиттэргэ кутаҕын.

Арыы саламаата

Наада буолаллар:  ынах арыыта — 200 г., бурдук- 10-15 г., уу — 1 л., туус.

Ынах арыытын ууллараҕыт, бурдугу аргыый сиидэлээн кутаҕыт, булкуйа тураҕыт. Туустуугут. Саһархай өҥнөннөҕүнэ, хойуннаҕына, кыра-кыратык сылаас ууну кутан биэрэҕит уонна үчүгэйдик булкуйан иһэҕит. Арыыта ууллан үөһээ тахсан кэлиэр диэри буһараҕыт.