Маассабай сүһүрүүгэ эмсэҕэлээбит оҕолорго 10-нуу тыһ. төлүөхтэрэ

Алдан оройуонун борокуратуурата  маассабай сүһүрүүгэ эмсэҕэлээбит сокуоннай саастарын ситэ илик оҕолорго моральнай хоромньуну төлүүр туһунан ирдээтэ.

Ол курдук, Алдан оройуонун гимназиятын остолобуойугар 20 оҕо сүһүрбүтэ. Сүһүрүү сүрүн  төрүөтүнэн, оҕолору аһынан хааччыйар чааһынай тэрилтэ санитарнай-эпидемиологическай ирдэбили кэһиитэ буолбута.

Бэрэбиэркэ түмүгүнэн буруйдаах дьон  административнай эппиэтинэскэ тардыллыбыттара. Алдан оройуонун суутун быһаарыытынан, сокуоннай саастарын ситэ илик үс оҕоҕо  доруобуйаларыгар ылбыт эмсэҕэлээһиннэрин иһин хоромньуну төлүүр туһунан оройуон борокуруорун ирдэбилэ толоруллубута. Суут уурааҕынан хас биирдии оҕоҕо 10 тыһ.солкуобай төлөнүөхтээх. Маны сэргэ эмсэҕэлээһин иһин харчы төлүүр туһунан 14 сайабылыанньа Алдан оройуонун суутун көрүүтүгэр өссө да сытар.