Массыына нүөмэригэр Арассыыйа былааҕын бэлиэтэ булгуччулаах буолуоҕа

Бу сыл бүтүөр диэри массыына нүөмэригэр Арассыыйа былааҕын бэлиэтэ булгуччулаах буоларын туһунан ирдэбили киллэрэр былааннаахтар.

Бу туһунан «Парламентская газета» суруйар. Санкт-Петербург дьокутаата Павел Крупник кэнники сылларга Арассыыйа суолларынан суоппардар үксүгэр массыына нүөмэригэр Арассыыйа былааҕын бэлиэтэ суох көҥүл сылдьалларын үҥсэргээтэ. Кини судаарыстыбаннай бэлиэтэ суох сылдьар суоппардары быстах кэмҥэ тырааныспары ыытар бырааптарын быһарга эбэтэр ыстарааптыырга көрдөстө.

«Бу сыл бүтүөр диэри суол быраабылатыгар наадалаах уларытыылары киллэрэргэ үлэ барар», — диэн ГАИ сулууспатыгар бэлиэтээтилэр.