Маастар-былааннары олоххо киллэриигэ бүддьүөт таһынааҕы үп тардыллар

Арассыыйа бэрэсидьиэнэ Владимир Путин бигэргэппит Дьокуускай уонна Нерюнгри куораттарын генеральнай былааннарыгар Уһук Илиҥҥи федеральнай уокурук эригиэйэннэрин ортолоругар саамай үрдүк суумалаах тэрээһин көрүллүбүт.

 Уопсайа 423,9 млрд солкуобай бүддьүөттэн таһынааҕы үбүлээһиннээх 26 бырайыак киирэр. Бу туһунан СӨ Бырабыыталыстыбатын Бэрэссэдээтэлин солбуйааччы Дьулустаан Борисов миниистири солбуйааччы Эльвира Нургалиева салайан ыыппыт РФ Уһук Илини уонна Арктиканы сайыннарыыга мунньаҕар бэлиэтээтэ.

«15 бырайыакка инвестордар быһаарылыннылар, ону олоххо киллэрэр үлэ күүскэ барар. Уон биир бырайыак бэлэмнэнии, инвестордары көрдөөһүн түһүмэҕэр сылдьар», — диэн быһаарда Дьулустаан Борисов. Кыттааччылар Уһук Илиҥҥи нэһилиэнньэлээх пууннар генеральнай былааннарын бүддьүөттэн таһынан үбүлээһини ырыттылар уонна бырайыагы олоххо киллэриигэ салгыы бииргэ үлэлээһин бэрээдэгин быһаардылар. Дьулустаан Борисов Дьокуускайга уонна Нерюнгрига генеральнай былаан бырайыактарын билиһиннэрдэ, ол иһин өрөспүүбүлүкэ бүддьүөттэн таһынааҕы үбүлээһин источниктарын тардыыга көмөнү ирдиир. Ол иһигэр Дьокуускай аэропордун норуоттар икки ардыларынааҕы терминалын саҥардыы, гостиница комплекстарын тутуу, өрөспүүбүлүкэ киин куоратыгар «Старый город-2» комплекснай сайдыы бырайыага, тырааныспар-логистика киинин тэрийии киирэллэр. Эльвира Нургалиева бэлиэтээбитинэн, Арассыыйа Уһук Илин сайдыытыгар министиэристибэтин инвестиционнай ыстааба уонна Уһук Илин уонна Арктика сайдыытын корпорацията мунньахтарга Уһук Илиҥҥи федеральнай уокуруктан инвестиционнай бырайыактары көрүөхтэрэ, олоххо киллэриилэрин, ол иһигэр бүддьүөттэн таһынааҕы үбүлээһини тардыыны быһаарыахтара. Эрэгийиэннэр ыстаапка киирэргэ хандьыдааттары киллэрэллэрэ ирдэнэр.

«Өрөспүүбүлүкэ аатыттан бу дьаһаллары олоххо киллэриини Саха сирин экэниэмикэҕэ миниистирин солбуйааччы Анна Кокорина хонтуруоллуоҕа», — диэн бэлиэтээтэ Дьулуустаан Борисов эттэ. Уһук Илин 25 куоратыгар комплекснай саҥардыы бырагырааматын Арассыыйа Уһук Илин сайдыытыгар министиэристибэтэ, Уһук Илин уонна Арктика сайдыытын корпорацията (FEACDC), «Востокосплан» федеральнай судаарыстыбаннай бүддьүөт тэрилтэтэ хонтуруоллууллар.

Куорат генеральнай былааннара диэн федеральнай уонна эрэгийиэннээҕи бырайыактар ​​икки ардыларыгар сөп түбэһиннэрэн былааннааһыны хааччыйар сайдыы инструмена буолар. Ону тэҥэ инвестицияны тардыыга, куорат эйгэтин хаачыстыбатын тупсарыыга, саҥа үлэ миэстэтин таһаарыыга олуктары оҥороллор.

Сиһилии: https://www.sakha.gov.ru/news/15498.