Хаартыска: бөлөх дьонун тиксэриитэ
РФ Уопсастыбаннай балаататын “Сообщество” пуорумун кэмигэр Саха сирин уратытын көрдөрөр быыстапка тэриллибитэ.
“Сэргэлээх уоттара” Култуура киинин иккис этээһигэр ордук элбэх дьон тоҕуоруһа мустубута. Кинилэр, пуорум ыалдьыттара, Саха Өрөспүүбүлүкэтин туһунан картаны сэргээн, тохтоло суох хаартыскаҕа түспүттэрэ.
“Саха Өрөспүүбүлүкэтэ” карта – быйыл Туймаада ыһыаҕар “Саха сирин быысыпкаламмыт картата” өрөспүүбүлүкэтээҕи куонкурус кыайыылааҕа.
Бу сүҥкэн үлэ — элбэх иһитиннэриини биэрэр, аныгы Саха сирин олоҕун эгэлгэтин, баай кыраайын, киһи-аймах сайдыытын уо.д.а. көрдөрөр уус-уран айымньы. Киһи эрэ сөҕө-махтайа, кэрэхсии көрөр айымньыта илии үлэтэ буоларынан уонна эрэгийиэн уратытын көрдөрөрүнэн өссө ордук сыаналанар.
210 х 210 сантиметр кээмэйдээх картаҕа Саха сирин кыраныыссатын, географиятын уратытын, биллэр-көстөр кэрэ-бэлиэ сирдэрин, Саха сирин төрүт норуоттарын бэрэстэбиитэллэрин фигураларын уо.д.а. көрөҕүн. Биир сыл кэриҥэ кэм устата оҥоһуллубут картаҕа уопсайа 500-чэ араас быысыпкаламмыт уус-уран уруһуйу булан көрүөххэ сөп.
Бырайыак ааптардара – өрөспүүбүлүкэ норуотун маастара, РФ уопсай үөрэхтээһинин бочуоттаах үлэһитэ Людмила Жиркова салайааччылаах “Содружество” айар бөлөх.
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…
РФ Үөрэҕириитин уонна билимин министиэристибэтигэр иһитиннэрбиттэринэн, үрдүк үөрэх саҥардыллыбыт тиһигин киэҥник киллэрии 2027–2028 үөрэх дьылыгар…
Саха сириттэн Арина Аулова «World russian Beauty-2025» Бүтүн Арассыыйатааҕы кэрэ куо куонкуруһугар «Эдэр мисс Арассыыйа-2025»…
Тааттаҕа күрэс төрүт көрүҥнэригэр "Манчаары оонньууларыгар" көрөөччүлэргэ, ыалдьыттарга соһуччу үөрүүлээх бэлэхтэр туттарыллан дьон-сэргэ үөрүүтэ үрдээн…