Хаартыска: www.sakha.gov.ru
Бүгүн, кулун тутар 6 күнүгэр, Муусука уонна фольклор түмэлигэр “Саха устурууналаах үстүрүмүөннэрин оҥорор маастардар” каталогтарын сүрэхтэниитэ буолуоҕа. Каталогы “Кыл саха” ансаамбыл 10 сылынан Муусука уонна фольклор түмэлэ таһаарбыт.
Тэрийээччилэр иһитиннэрбиттэринэн, бу норуот муусукаҕа ускуустубатын үгэстэригэр үлэлэһэр саха маастардарын оҥоһуктарын үөрэтиигэ аналлаах дэҥҥэ көстөр таһаарыы буолар. Манна Саха сирин устурууналаах үстүрүмүөннэрин оҥорор 144, ону тэҥэ, Бурятия уонна Москва маастардарын туһунан иһитиннэриилэр киирбиттэр. Хас биирдии ыстатыйа хаһыакка, сурунаалга суруйуулары, билим чинчийиилэрин, үстүрүмүөннэр хаартыскаларын киллэрэн туран, маастар туһунан сиһилии билсэргэ аналлаах куйаар-кодтаах.
Каталогы “Кыл Саха” этническэй муусука ансаамбылын салайааччыта, СӨ үтүөлээх артыыһа, С.А.Зверев-Кыыл Уола аатынан СӨ Үҥкүү национальнай тыйаатырын төрүт үстүрүмүөҥҥэ оркестрын артыыһа Анна Томская уонна түмэл сүрүн харайааччыта Светлана Никифорова хомуйан оҥорбуттар. Матырыйаал хомуйуутугар уонна систиэмэлээһиҥҥэ улахан үлэ барбыт. Бу өрөспүүбүлүкэ култуураҕа нэһилиэстибэтин чөл хаалларыыга уонна тарҕатыыга улахан суолталаах. Каталог саха муусукатын сэҥээрээччилэргэ эрэ буолбакка, муусука үстүрүмүөнүн чинчийээччилэргэ эмиэ туһалаах.
Сүрэхтээһини Руслан Габышев, Николай Аржаков, Андрей Осипов, Руслан Захаров, Дмитрий Ченянов, Валерий Кучутов, Ефим Тартаков, Николай Федоров, Николай Беляев о.д.а. курдук маастардар кылыһах-кырыымпалара көрдөрүллэр “Кыл дорҕоонугар уйдаран” быыстапканы ситэрэн-хоторон биэриэҕэ.
Тэрээһин ыытыллар сирэ: Киров аатынан уул. 31 нүөмэрдээх дьиэтэ, 3 этээс. Саха сирин норуоттарын муусукатын уонна фольклорун түмэлэ. Бу туһунан Ил Дархан уонна Бырабыыталыстыба пресс-сулууспата иһитиннэрэр.
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорон…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…