Уус Алдантан Иван Румянцев уонна Намтан скульптор Роман Петров «Хотугу тыал» хамаандалара «XXI «Европа-Азия» Екатеринбурдааҕы муус оҥоһуктар фестиваллара» улахан күрэххэ кыайыыны ситистилэр.
Скульптордар хамаандалара улуу прозаик Д.Н. Мамин-Сибиряк «Приемыш» кэпсээнинэн скульптураны айан оҥордулар. Көрдөххө, айымньы сүрүн дьоруойа кырдьаҕас балыксыт уонна тулаайах куба үүт-үкчү оҥоһуллубуттар.
«Саха уран тарбахтаах маастардара бэйэлэрин үлэлэригэр, киһи уонна тулалыыр эйгэ арахсыспат ситимнээхтэрин бу айымньыларыгар көрдөрдүлэр. Манна киһи тулалыыр эйгэҕэ хайдах баҕарар буортуну оҥоруон да, көмөлөһүөн да сөптөөҕө көстөр. Ол, арааһа, саха киһитэ барыта айылҕаҕа чугас буолан ситиһилиннэҕэ», – диэн тэрийээччилэр бэлиэтээтилэр.
Саха скульптордара Арассыыйа бары муннуктарын бастыҥ скульптордарын кытары күрэхтэһэн бастакы түһүмэххэ талыллыбыттара. Кинилэр дойду 7 бастыҥ хамаандатын иһигэр киирбиттэрэ, ол кэннэ фестиваль муҥутуур кыайыылаахтарынан буоллулар диэн Уус Алдан улууһун дьаһалтатын пресс-сулууспата иһитиннэрэр.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…