«Маччаха Бөҕө» кыайыылааҕар — 750 тыһ. солкуобай!

Сунтаарга Сергей Афанасьевич Зверев-Кыыл Уола төрөөбүтэ 125 сыла аналлаах ыһыахха  “Маччаха Бөҕө” саха оонньууларын биэс көрүҥэр аһаҕас күрэс ыытылынна.

Маччаха Бөҕө күрэҕэ Сунтаар ыһыаҕар сыл ахсын ыытыллан, үтүө үгэскэ номнуо кубулуйбут.

Быйылгы үбүлүөйдээх оонньууларга  биэс көрүҥҥэ 12 бөҕөс кыттыыны ылла.  Кинилэр ортолоругар биллэр-көстөр спортсменнар, ол иһигэр Владимир Михайлов, Николай Обоев, Николай Николаев кыттан, үгүс дьон сэҥээриитин ыллылар.

Муҥутуур кыайыылааҕынан, үс күрэххэ бастыҥ көрдөрүүлээх  Ньурбаттан төрүттээх  Владимир Федоров буолан, 750 тыһ. солк. наҕараадаланна.  Аатырбыт Николай Обоев  иккис үрдэлгэ тахсан, улуус баһылыга Анатолий Григорьевтан 300 тыһ. солк. наҕараадаланна.  Үһүс миэстэни  Маар Күөлтэн Алексей Михайлов ылан, 100 тыһ. солк. тутта.