Магадан уобалаһыгар бэйдиэ сылдьар ыттары «утутар» сокуону ылыннылар

Бэйдиэ сылдьар ыт кыһалҕата биһиги эрэ өрөспүүбүлүкэбитигэр буолбакка, бүтүн дойду үрдүнэн турар сытыы боппуруос буолар.

Бэҕэһээ, сэтинньи 28 күнүгэр, Магадан уобалаһын Дууматыгар   «О дополнительных мерах по снижению риска причинения животными без владельцев вреда жизни или здоровью граждан на территории Магаданской области» диэн 519-7-с сокуон бырайыагын туһунан кэпсэппиттэр. Ол курдук бу кэпсэтиигэ бэйдиэ сылдьар ыттары «утутар» туһунан сокуон бырайыагын ылыммыттарын туһунан magadanpravda.ru сайтка суруллубут. Сокуон бырайыагын сүрүн соруга — бэйдиэ сылдьар ыттар кыһалҕаларын, эрэйдэрин кыччатыы буолар.  Бырайыак быһаарыы суругар этиллэринэн,  хаһаайына суох ыттары пуун утутар бырааптааҕын туһунан суруллар. Ону таһынан нормативнай-правовой аахтаҕа сурулларынан, дьоҥҥо хабыр сыһыаннаах, кутталынан суоһуур ыттары дьон-сэргэ сылдьар эйгэтиттэн тэйитэр туһунан этиллэр. Оттон бу кыһалҕа биһиги эрэгийиэммитигэр хайдах быһаарыллыай?