Магадантан «Авиалесоохрана» үлэһиттэрэ көмөҕө кэлиэхтэрэ
10.07.2023, 12:15
Хаартыска sakha.gov.ru ылылынна
Бөлөххө киир:
«Полярные авиалинии»хампаанньа икки сөмөлүөтэ Магадантан Авиалесоохрана баһаарынай сулууспатын үлэһиттэрин аҕала көппүт. Ойуур баһаарын утары охсуһуу туһунан Бырабыыталыстыба бэрэссэдээтэлин бастакы солбуйааччы Дмитрий Садовников бэрэссэдээтэллээх суһал ыстаап мунньаҕар иһитиннэрбиттэр.
Федеральнай ыстаап сөбүлэҥинэн, кинилэр Уус Маайа оройуонун баһаарын умулларыыга көмөлөһүөхтэрэ. Ойуур баһаардарын утары үлэ Уус Маайаҕа, Алдаҥҥа, Нерюнгригэ, Үөһээ Халымаҕа ыытыллаллар. Ойуур баһаарын умулларыыга 16 cалгын аала уонна биир зондировщик-сөмөлүөт үлэлиир. Улуус, нэһилиэк баһылыктарыгар олохтоох нэһилиэнньэни баһаар үлэтигэр күүһүрдэр туһунан сорудахтар бэриллибиттэр.
Бэлиэтээн эттэххэ, өрөспүүбүлүкэ сиригэр-уотугар ыксаллаах быһыы-майгы эрэсиимэ биллэриллибитэ. Ону сэргэ маннык эрэсиим Алдан, Бүлүү, Нерюнгри, Өймөкөөн, Өлүөхүмэ, Уус Маайа оройуоннарыгар биллэриллибитэ.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: