Маҕаһыын атыыһыта биэнсийэлээх аатыгар үс кирэдьиити оҥотторон ылбыт

Дьокуускай полициятын отделыгар 66 саастаах биэнсийэлээх баантан кирэдьиит төлөбүрүн болдьоҕун көтүппүтүн туһунан иһитиннэрии тутан тыллаабыт.

Полиция үлэһиттэрэ суһал-көрдүүр дьаһалларынан,  эрдэ биэнсийэлээх киһи суотабай төлөпүөнү  кирэдьиит атыыласпыт 34 саастаах маҕаһыын атыыһытын туппуттар.

Атыыһыт аҕам саастаах тус дааннайдарынан туһанан, биэнсийэлээх аатыгар виртуальнай кирэдьиит каартатын оҥорторон ылбыт. Ити кэннэ 600 тыһ. солк. тахса суумаҕа үс кирэдьиити оҥотторбут.

Харчыны хара санаалаах тус наадатыгар туһаммыт. Холуобунай дьыала тэрилиннэ. Бу туһунан Саха сиринээҕи ИДьМ пресс-сулууспатыгар иһитиннэрдилэрр.