Маҕаһыын табаарын харчытын уорбут

Мэҥэ Хаҥалас улууһугар ыскылаат оробуочайа миэбэл маҕаһыыныттан харчыны уорууга уорбаланар. Бу  туһунан Ис дьыала министиэристибэтин пресс-сулууспата иһитиннэрэр.

Мэҥэ Хаҥаластааҕы полиция отделыгар  миэбэл маҕаһыыныттан 380 тыһ. солк. сүппүтүн туһунан сайабылыанньаны маҕаһыын бэрэстэбиитэлэ  киллэрбит.

Холуобунай ирдэбил үлэһиттэрэ  суһал-ирдиир үлэ кэмигэр туһааннаах дьыалаҕа 27 саастаах ыскылаат оробуочайа уорбаланарын  быһаарбыттар.

Оперативниктар быһаарбыттарынан, эр киһи табаар атыытын харчытын каассаҕа укпакка, бэйэтигэр иҥэринэн испит. Инньэ гынан, сыл устата уорбаланааччы  атыыламмыт дьыбаан, кириэһилэ, куукуна гарнитурун харчытын бэйэтигэр ылбыт. Уорбут харчытын бэйэтин наадатыгар туттубут.  Билиҥҥи туругунан эр киһи буруйу оҥоруу түөрт түбэлтэтигэр уорбаланар.

Киниэхэ РФ Холуобунай кодексын 158 ыстатыйатынан холуобунай дьыала көбүтүллүбүт.