Маҕаһыыннарга улахан да, кыра да бытыылкалаах уу арааһа атыыланар. Кырдьыга да, үксүгэр бытыылка суругар-бичигэр улаханнык болҕомтобутун уурбакка хаалабыт. Онтон СӨ Роспотребнадзор управлениета ууну атыылаһарга болҕомтолоох буолуохтаахпытын санатар.
Уу хаачыстыбата киһи доруобуйатыгар быһаччы дьайар. Маҕаһыыҥҥа уу атыылаһарга туохха болҕомто ууруллуохтааҕый?
— Уулаах бытыылка хаппаҕа аһылла сылдьыбыт курдук буоллаҕына, атыыласпаккыт ордук.
— Маҕаһыын саалатыгар хайдах сиргэ ууруллан турарын көрүҥ. Бытыылка күн чаҕылхайдык тыгар сиригэр уонна дьиэни сылытар тэриллэр тастарыгар ууруллуо суохтаах.
— Этикеткалары ааҕыҥ. Бытыылкаҕа оҥорон таһаарааччы туһунан регистрацияламмыт чахчылар: састааба, оҥоһуллубут күнэ-дьыла, туттуллан бүтэр болдьоҕо, харайыы усулуобуйата, уу көрүҥэ ыйыллыбыт буолуохтаахтар. Минеральнай уулаах бытыылкаҕа эмиэ уу ылыллыбыт сирэ, сыала-соруга («столовай», «эмтиир-столовай» эбэтэр «эмтиир») эмиэ ыйыллыахтаах.
— Хаппаҕар эбэтэр этикеткатыгар Data Matrix кодтаах ууну талыҥ. Ол -– хаачыстыбатын уонна куттала суоҕун мэктиэлиир.
Санатан эттэххэ, 2021 сыл ахсынньы 1 күнүттэн Арассыыйаҕа минеральнай уу маркировката булгуччулаахтык киллэриллибитэ. Онтон 2022 сыл кулун тутар 1 күнүттэн иһэр уу атын да көрүҥнэригэр тарҕаммыта.
«Чиэһинэй бэлиэ» («Честный знак») мобильнай сыһыарыыга сыыппаралаах коду түһэрэн баран, ууну ким, хаһан бэлэмнээбитин бэрэбиэркэлиэххэ сөп.
Сорох суобаһа суох оҥорон таһаарааччылар бэйэлэрин бородууксуйаларын сыыппаралаах кода суох атыыга батараллар. Итинник уу хаачыстыбата, маҕаһыыҥҥа тиийиэр диэри айана хонтуруолламмат, онон доруобуйаҕа буортуну аҕалыан сөп.
Ууга код баарыгар уонна кутуллубут күнүгэр-дьылыгар болҕомтоҕутун ууруҥ. Онон, маҕаһыыннарга минеральнай эбэтэр көннөрү уу маркировкаламмыт кода суох буоллаҕына, ол туһунан Роспотребнадзорга «Чиэһинэй бэлиэ» сыһыарыыга иһитиннэриэххитин сөп.
Төрөөбүт күҥҥүнэн, Дьокуускай! Дьокуускай -- биһиги өрөспүүбүлүкэбит тэбэр сүрэҕэ, манна устуоруйа уонна аныгы кэм, үгэстэр…
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…