Хаартыска: газета.ру
Бу күннэргэ өтөрүнэн буолбатах буурҕа, хаар Камчаткаҕа түһэ турар.
Ахсынньыга үс ыйдаах хаар нуормата түспүт, ону таһынан утуу-субуу икки циклон тоҕо анньан кэлэн сөҥүүнү уонна штормовой тыалы аҕалбыттар. Балаһыанньа хайдах буола турарын туһунан “Российская газета” хаһыакка Камчатка суруналыыһа Людмила Москвичева иһитиннэрбит:
“Бэнидиэнньиктэн буурҕа сэллээн ыла-ыла түһэ турар, оттон хаар биир да мүнүүтэҕэ тохтообот. Массыынанан биэс мүнүүтэ айанныыр сиргэр кэлэ-бара 2,5 чаас барар. Улахан киин суоллары саатар биир өттүн ыраастыы сатыыллар, дьон ыксаан аара хаалларбыт массыыналарын таһаллар.
Олохтоохтор бэйэлэрэ тахсан, подъезка киирэр-тахсар сирдэрин хаһа сатыыллар, онтон атын дьиэттэн тахсар кыах суох. Бастакы этээстэр көстүбэттэрин кэриэтэ, барытын хаар бүрүйбүт. Сорох сиринэн хаар иккис этээскэ тиийэр. Ол иһин дьон иккис этээстэн быһа хаарга ыстанан баран, хаһа-хаһа бара сатыыллар.
Петропавловскай-Камчатскай маҕаһыыннарыгар килиэп, фрукта, оҕуруот аһа суох. Кэнсиэрбэ, уу, туус, саахар, бурдук, утахтар бааллар. Бэлимиэн курдук тоҥоруллубут астар хайыы-үйэ суохтар. Маҕаһыыҥҥа да тахсар кыах суох, хаар хабарҕаҕынан. Мастар аҥардара эрэ көстөр. Эбиитин хаар ыарахан, инчэҕэй буолан, мастар, суол бэлиэлэрэ кыайбакка тосту бараллар. Светофор лаампалара киһи хаамар сирин таһымыгар хаалбыттар. Дьон хас да кыбартаал нөҥүө баар үлэлэригэр 1,5-2 чааһынан тиийэллэр.
Оптуобустар сүүрбэттэр, “вахтовиктар” 10:50 чаастан 16:00 ч. диэри сылдьаллар. Хойукка диэри үлэлиир дьон дьиэлэригэр тиийэр кыахтара суох. Биир билэр дьахтарым уһуйааҥҥа үлэлиир, дьиэтэ 5 остановка курдук тэйиччи сиргэ турар. Онон үлэлиир сиригэр хонор. Онно тэйиччиттэн үлэлиир кыахтара суох дьон – эмчиттэр, хомунаалынай сулууспа үлэһиттэрэ, быыһааччылар оҕолоругар дьуһуурунай бөлөхтөр аһыллыбыттар. Оскуола оҕолоругар харантыын биллэрилиннэ”.
Куһаҕан дьыала соттуга суох сылдьыбат. Дьиэ сарайыттан сууллубут хаар икки киһини өлөрдүү түспүт. Бу өссө сорҕото эрэ буоллаҕа. Аны сотору уулуннаҕына, өссө туох атын иэдээни аҕалыа биллибэт.
Дьокуускай куорат полициятын 3-с нүөмэрдээх салаатын учаастактааҕы боломуочунайдара Уус Алдан улууһуттан төрүттээх, урут сууттана сылдьыбыт…
Сахалар төрүт итэҕэлбитинэн, таҥха кэмигэр чуумпутук, сэмэйдик сылдьыахтаахпыт. Ол эрээри, тугу гыныахтаахпытын сиһилии билбэппит. Таҥха…
Бу тэрээһиҥҥэ араас тэрилтэлэр салайааччылара, исписэлиистэрэ уонна анал байыаннай дьайыы кыттыылаахтарын дьиэ кэргэттэрин кыһалҕаларын кытта…
Оскуола саастаах оҕо улахан киһи курдук күҥҥэ үстэ аһыырынан муҥурдаммат. Кини оскуолаҕа сылдьан остолобуойга, чугастыы…
Үөрэҕи уонна билими кэтээн көрөр федеральнай сулууспа иһитиннэрэринэн, оскуоланы бүтэрээччилэр олунньу 1 күнүгэр диэри биир…
Дьокуускайдааҕы полиция 4-с нүөмэрдээх отделын дьуһуурунай чааһыгар биир олохтоох дьахтартан төлөпүөнүн уордарбытын туһунан сайабылыанньа киирбит.…