Маҕаһыыҥҥа сыыһа суруллубут сыаналаах табаары босхо ылыы туһунан сокуон барыла Госдуумаҕа киирдэ

Туһааннаах сокуон бырайыагын «Новые люди» дьокутааттара Владислав Даванков, Антон Ткачев, Ярослав Самылин уонна Владимир Плякин Судаарыстыбаннай Дуумаҕа киллэрдилэр.

Сокуон бырайыагар сурулларынан, өскөтүн маҕаһыын табаара каассаҕа кэлэн сыаната уларыйар буоллаҕына, атыылаһааччы табаары босхо ылыахтаах диэн.

«Табаар сыаната каассаҕа кэлэн ыараан тахсыбыт буоллаҕына, атыылаһааччы төлөбүр сууматын ирдиир бырааптаах» диэн суруллар. Манна маҕаһыын табаара эрэ буолбакка, оҥоһуллар өҥөлөр эмиэ киирсэллэр. Атыылаһааччылар үгүстүк маҕаһыын лааппытыгар ыйыллыбыт сыана каассаҕа тиийэн үрдээн хааларыгар түбэһэллэрин  туһунан  дьокутааттар бэлиэтииллэр.  Роспотребнадзор чахчыларынан, үҥсүү 14% үксэ сыана араастаһыытыттан тахсар эбит. Атыылаһааччылар бэйэлэрэ да билбэттэринэн элбэх сууманы төлүү олороллорун туһунан бэлиэтииллэр.  Онон «чиэһинэй чек» диэн бириинсиби киллэрии туһунан этии көтөхтүлэр. Табаар сыаната каассаҕа тиийэн үрдээн хаалар түгэнигэр, атыылаһааччы табаары босхо ылыахтаах диэн суруллар.