Маҕаһыынтан уоран тутуллубут

СӨ ИДьМ Хаҥалас улууһунааҕы отделын дьуһуурунай чааһыгар маҕаһыын дьаһалтатын бэрэстэбиитэлэ табаар уонна каассаттан харчы уоруллубутун туһунан сайабылыанньа суруйбут.

Холуобунай ирдэбил үлэһиттэрэ суһал-ирдиир үлэни ыытаннар, бу дьыалаҕа Мэҥэ Хаҥалас улууһуттан төрүттээх 26 саастаах киһи уорбаланарын быһаарбыттар.

Ол курдук, бу киһи маҕаһыыҥҥа үлэһитинэн киирбит уонна үһүс күнүгэр, түгэни туһанан, суотабай төлөпүөнү, наушнигы уонна каассаҕа киирбит харчыттан сороҕун уорбут. Ылбыт смартфонун атыылаабыт, наушнигы бэйэтигэр хаалларбыт, харчыны ол-бу наадатыгар туһаммыт.

РФ ХК 158 ыст. 2 ч. («Уоруу») холуобунай дьыала тэриллибит.

СӨ ИДьМ пресс-сулууспата