Маҕаһыынтан 1 тыһыынчаттан тахса сымыйа арыгыны булбуттар

Ааспыт сууккаҕа өрөспүүбүлүкэҕэ аҕыс буруйу оҥоруу бэлиэтэммит. Онон бэрэбиэркэ, силиэстийэ ыытыллан, өрөспүүбүлүкэ борокуратууратын хонтуруолугар сылдьар.
Уус Алдан улууһун Бороҕон сэлиэнньэтигэр 1987 сыллаахха төрөөбүт аһаҕас баастаах дьахтары балыыһаҕа киллэрбиттэр, уорбаланааччы быһаарыллыбыт.
Дьокуускай куоракка уорууну арыйбыттар. Түөкүннээһиҥҥэ сайабылыанньа киирбит, эмсэҕэлээччиттэн “ФСБ үлэһитэбин”, “Росинформониторинг” диэн ньыманан 1,1 мөл. солк. уорбуттар. Итини таһынан, массыынаны арендалааһыҥҥа 1,5 мөл. солк. суумалаах түөкүннээһин туһунан иһитиннэрбиттэр.
Сунтаар сэлиэнньэтин биир маҕаһыыныттан 1 тыһ. тахса сымыйа чинчилээх арыгыны былдьаабыттар. Мииринэй куоракка итирик туруктаах хаттаан массыына ыыта сылдьар киһини туппуттар, Нам сэлиэнньэтигэр арыгыны хаттаан сокуоннайа суох атыылыыллара биллибит. Бу туһунан СӨ борокуратууратын телеграм ханаалыгар иһитиннэрэллэр.
Сообщить об опечатке
Текст, который будет отправлен нашим редакторам: