Маҕаһыынтан 30 тыһ.солк. суумалаах таҥас уоруллубут

Дьокуускайга полиция үлэһиттэрэ Чернышевскай аатынан уулуссаҕа таҥас-сап маҕаһыыныгар уоруу тахсыбытын арыйдылар.

1 №-дээх полиция отделын дьуһуурунай чааһыгар атыы-эргиэн саалатыттан 30 тыһыынчаттан тахса суумалаах табаар уоруллубутун туһунан маҕаһыын бэрэстэбиитэлиттэн сайабылыанньа киирбит. Бу туһунан ИДЬМ пресс-сулууспата суруйар.

Быраабы араҥаччылыыр үлэһиттэрэ уорбаланар 40 саастаах олохтоох эр киһини туттулар. Барыллаан быһаарыынан, эр киһи атыылаһааччы буолан маҕаһыыҥҥа киирбит. Кини джемпер уонна үс бүрүүкэ талбыта, онтон таҥас уларыттар сиргэ киирэн  ылбыт таҥастарын үрүт-үрдүгэр кэтэн тахсыбыт. Кинини ким да көрбөтөҕүн билэн, маҕаһыынтан тахсан барбыт. Холуобунай дьыала тэрилиннэ, буруйдаах икки сылга диэри көҥүлэ быһыллыан сөп.