Маҕаһыынтан атах таҥастарын уорбут

Дьокуускайга 2 №-дээх полиция отделыгар Ойуунускай уулуссатыгар баар маҕаһыын администрациятыттан үс паара атах таҥаһын уоруллубутун туһунан сайабылыанньа киирбит. Суумата 10 000 солк. буолбут.

Холуобунай ирдэбил үлэһиттэрэ суһал-ирдиир үлэни ыытаннар, ким буоларын быһаарбыттар. Ол курдук, урут сууттана сылдьыбыт 47 саастаах киһи буолара биллибит.

Уорбаланааччы маҕаһыыҥҥа киирэн баран, табаары бакыакка укпут, каасса таһынан ааспыт уонна ааҥҥа турар тыаһаан биллэрэр тэрил таһынан түргэнник ааһан хаалбыт. Ити курдук, бу киһи маҕаһыыҥҥа өссө иккитэ сылдьыбыт.

Уоран ылбыттарын атыылаабыт, харчытынан ону-маны атыыласпыт. Уоруллубут сорҕото төннөрүллүбүт.

РФ ХК 158 ыст. 1 ч. холуобунай дьыала («Уоруу») тэриллибит.