Маҕаһыынтан таҥас арааһын уорбут эр киһи тутулунна

Арассыыйа ИДьМ (МВД) «Дьокуускайдааҕы» МУ полициятын 3-с нүөмэрдээх салаатын дьуһуурунай чааһыгар таҥас маҕаһыыныттан уопсайа 26 тыһыынча солкуобай суумалаах табаары уорбуттарын туһунан сайабылыанньа киирдэ.

Көрдүүр дьаһаллар кэмнэригэр холуобунай ирдэбил үлэһиттэрэ  уорууга урут сууттана сылдьыбыт Усуйаана оройуонун 39 саастаах төрүт олохтооҕо кыттыгастааҕын быһаардылар.

Буруйу оҥорооччу маҕаһыыҥҥа атыылаһааччы курдук туттан киирбитэ билиннэ. Эр киһи атыылыыр сааланы көрөн баран, худи уонна ыстаан кэмпилиэгин, ону тэҥэ кофтаны талан баран, таҥас уларыттар хоско барбыт. Онно кини таҥастан бииркалары уонна харыстыыр магниттары туура тардан ылан, таҥаһын анныгар кистээбит уонна маҕаһыынтан төлөөбөккө тахсан барбыт.

РФ Холуобунай кодексатын 158-с ыстатыйатын 1-кы чааһынан («Уоруу») холуобунай дьыала тэрилиннэ, диэн СӨ ИДьМ пресс-сулууспата суруйар.