«Аэропорты Севера» генеральнай дириэктэрин солбуйааччы Сергей Соболев, аэропортар үлэлэрин сүрүн түмүктэрэ туһунан дакылаат оҥордо. Кини национальнай бырайыактар чэрчитинэн аэропортары саҥардыыга элбэх үлэ оҥоһуллубутун бэлиэтээтэ.
Саха сиригэр дойду байыастарын дьиэ кэргэттэрин кэмитиэтин салайааччыта Марина Бахилина тырааныспар табыгастаах буолуутун хааччыйыы Саха сирин салалтатын биир сүрүн соруга буоларын бэлиэтээтэ.
«Мин урукку авиатор буоларым быһыытынан, дойду сайдыы саҥа баазатыгар киирбитин, ордук авиация салааларыгар улахан ситиһиилэри көрдөрөр кыахтаммытын бэлиэтиэхпин баҕарабын. Билигин омук сиригэр оҥоһуллар көтөр ааллар саппаас чаастарын дойдубутугар солбуйар кыахтаннылар. Бүгүҥҥү күҥҥэ биһиги иннибитигэр 2030 сылга дойду иһигэр 1000-чэ сөмөлүөтү оҥорон таһаарар улахан сорук турар. Кэлэр өттүгэр дойдубут аныгы авиалайнердары оҥорон таһаарыаҕа», — диэн бэлиэтээтэ Марина Бахилина.
«Аэропорты Севера» генеральнай дириэктэрэ Олег Ворошилов Саха сиригэр аэропорт комплекстарын инфраструктуратын сайыннарыыга улахан ситиһиилэрин бэлиэтээтэ.
«Саха сиригэр барыта 32 аэропорт үлэлиир. Сотору кэминэн Эльгинскайдааҕы таас чох хостуур сир чугаһыгар саҥа аэропорт тутуллуоҕа. Бу Саха сирин салгыы сайдарыгар улахан хардыы буолуоҕа», — диэтэ Олег Ворошилов.
Сыл аайы «Аэропорты Севера» аэропортарын нөҥүө 270 тыһ. пассажир ааһар. Тэрилтэҕэ 1700-тэн тахса үрдүк квалификациялаах исписэлиистэр үлэлииллэр.
Ытыктабыллаах Саха сирин олохтоохторо! Аан дойдутааҕы Дьиэ кэргэн күнүнэн ис сүрэхпиттэн эҕэрдэлиибин! Дьиэ кэргэн –…
Бүгүн күн-дьыл хайдаҕый? Ханна ардыыр, тыалырар? Дьокуускайдааҕы гидрометеорологическай сулууспа туох диирий? Түүн арҕаа, киин улуустар…
Өлүөхүмэҕэ балаһыанньа билигин даҕаны уустугун уу түһэ илигэ туоһулуур. Билигин нэһилиэнньэҕэ бастакы ирдэнэр малы, ону…
Ил Дархан Айсен Николаев VIII норуоттар икки ардыларынааҕы «Азия оҕолоро» спортивнай оонньуулар ыытыллыахтаах эбийиэктэрин кэрийэн…
«Азия оҕолоро» спортивнай оонньуулар ыытыллар эбийиэктэригэр террортан куттал суох буолуутун хааччыйар кэккэ боппуруоһу анал хамыыһыйа…
Өлүөнэ өрүскэ муус харыыта тахсан, көрүөх бэтэрээ өттүгэр уу таһыма үрдээн, Өлүөхүмэ улууһун хас даҕаны…