Магнитнай буурҕа: Күн Сири «атаакалыыр»

Тохсунньу 20 күнүгэр Күҥҥэ кэнники уон сылларга саамай бөдөҥ радиациялаах буурҕа буолан ааспыта. Онтон сарсыныгар геомагнитнай буурҕа салҕаммыта. Идэлээхтэр билгэлэринэн, бүгүн, тохсунньу 22 күнүгэр, балаһыанньа эмиэ бигэтэ суох.

Күн астрономиятын лабораториятын исписэлиистэрэ этэллэринэн, тохсунньу 22 күнүгэр геомагнитнай балаһыанньа бигэтэ суох, ол эрээри улахан буурҕалар күүтүллүбэттэр.

Сарсыарда 9:00 чаастан  күнүс 12:00 чааска диэри, геомагнитнай хамсааһын 4 баалтан үөһэ кылгас кэмҥэ күүһүрүөн сөп. Күн устата хамсааһыннар 9 бааллаах шкаланан 3-4 баал таһымыгар туруохтара. Бу «күөх» таһымҥа киирсэр уонна куттала суоҕунан ааҕыллар.

Ол да буоллар, бүтэһик күннэр көрдөрүүлэринэн, билгэлэр биир суукка иһигэр эмискэ уларыйыахтарын сөп, онон күн устата кэтээн көрөр наада. Сабаҕалааһын маннык:

• 40% — магнитосфера күүһүрэр;
• 31% — магнитнай буурҕа буолуон сөп;
• 29% — геомагнитнай балаһыанньа чуумпу .