Магнитнай буурҕа салҕанар

Күн астрономиятын лабораторията иһитиннэрэринэн, ахсынньы 4 күнүгэр Саха сиригэр, чуолаан Дьокуускай эргин 2 бааллаах магнитнай буурҕа түһэрэ күүтүллэр.

Магнитнай буурҕаны муҥутаабыта 5 баалынан ааҕаллар. 2 баал — бу орто  магнитнай буурҕа, күүстээх буолбатах. Ол оннугар, бу кэнниттэн кэлэр күннэргэ магнитнай буурҕа буолара күүтүллүбэт.

Сиргэ магнитнай буурҕа бэҕэһээ, ахсынньы 3 күнүгэр, саҕаламмыта. Күн киин өттүгэр Х-таһымнаах эстии буолан, улахан плазма Сир диэки эһиллибитэ. Бу плазма сорох чааһа ахсынньы 3-4 күннэригэр Сиргэ тиийэн кэлэн, магнитнай сфератын хамсатар.

Онон бу күннэргэ дьүкээбиллэр суһумнуохтара. Сүрэх-тымыр ыарыылаахтар, дабылыанньалара тахсар дьон орто кээмэйдээх магнитнай буурҕаны билиэхтэрин сөп.

Күн  астрономиятын лабораторията сабаҕалыырынан, ахсынньы  23 уонна 30 күннэригэр, орто кээмэйдээх магнитнай буурҕа түһүөн сөп.