Магнитнай буурҕа төһө күүстээх буолуоҕай?

Чугастааҕы сууккаҕа, олунньу 3 күнүгэр, Сир магнитнай дьайыыта чуумпу туруктаах буолуоҕа, буурҕа түһэрэ күүтүллүбэт. Магнитнай буурҕа буолар кыаҕа 3% сыаналанар.

Санаттахха, олунньу 2 күнүн сарсыардатыгар бэлиэтэммит X кылаастаах икки олус күүстээх чаҕылхай эстии буолбута. Ону кытта сулуска суукка устата сэттэ күүстээх энергия тахсыыта бэлиэтэммитэ

Олунньу 2 күнүгэр Күн эмискэ долгуйбутун үрдүнэн, бүгүҥҥү күн билгэтэ үчүгэйи эрэннэрэр. Күн астрономиятын лабораториятын билиҥҥи дааннайдарынан,  Сир магнитнай хонуута бигэ туруктаах буолуоҕа.

Суукка устата күүтүллэр Kp геомагнитнай индекс тоҕус бааллаах шкаланан 2 баалга тэҥнэһиэҕэ, ити «Сир магнитосферата чуумпу» диэн категорияҕа сөп түбэһэр. Ол аата, дьон доруобуйатын туругар эбэтэр тэхиниичэскэй тиһиктэр  үлэлэригэр дьайар кыахтаах ханнык да биллэр хамсааһыннар суохтар.

Магнитнай буурҕа тахсар кыаҕа саамай кыра – 3%.

Чугастааҕы күннэргэ геомагнитнай балаһыанньа мөлтүөн сөптөөх күннэрэ — олунньу 5 күнэ, бу күн индекс 4-кэ диэри үрдүөн сөп, ону таһынан олунньу 9-10 күннэрэ.