Магнитнай буурҕа түһүө дуо?

Олунньу саҕаланыытыгар Күҥҥэ кэнники сылларга буолбатах күүстээх эстиилэр бэлиэтэннилэр. Учуонайдар хас да улахан эстии туһунан суруйбуттара да, Сиргэ дьайыыта тиийбэтэ. Билигин чуумпу да буоллар, балаһыанньа биир суукка иһигэр тосту уларыйыан сөбүн сэрэтэллэр.

Бүгүн, олунньу 11 күнүгэр, геомагнитнай хамсааһын чуумпу буолара күүтүллэр. Күнү-дьылы кэтиир лабораториялар этэллэринэн, күүстээх магнитнай буурҕа буолар чинчитэ кыра. Исписэлиистэр магнитосфера чуумпу буоларын 83%-нан сыаналыыллар. Сир магнитнай хамсааһына — 10%, онтон дьиҥнээх буурҕа түһэрэ — 7% эрэ.

Геомагнитнай активность таһыма Kp шкалатынан 1–2 баалга тэҥнэһэр. Ол аата “от күөх” таһымҥа сытар, үгүс дьоҥҥо куттала суох.

Маннык кэмҥэ киһи доруобуйата мөлтөөбөт, спутниктар уонна сибээс үлэтэ кэһиллибэт.

Эрдэттэн ааҕыы быһыытынан, магнитосфера олунньу 13 күнүгэр диэри чуумпу буолуоҕа. Онтон олунньу 14-16 күннэригэр магнитнай хамсааһыннар тахсаллара күүтүллэр. Таһыма 4 баалга (оранжевай таһымҥа) тиийиэн сөп. Маннык кэмҥэ айылҕа уларыйыытыгар уйан дьон  мөлтүөхтэрин, төбөлөрө ыалдьыан эбэтэр хааннарын баттааһына уларыйыан сөп.