Магнитнай буурҕалар: олунньутааҕы билгэ

Тохсунньу 30 күнүгэр барыллаан билгэлээһининэн, улахан магнитнай буурҕа түһэрэ күүтүллүбэт. Ол эрээри балаһыанньа өссө уларыйыан сөп.

Күн астрономиятын лабораториятын (ИКИ уонна ИСЗФ РАН) дааннайынан, 2026 сыл тохсунньу 30 күнүгэр магнитнай буурҕа буолбат. Суукка устата геомагнитнай көхтөөх буолуу таһыма үрдүк гынан баран, кээмэйин иһинэн — 2-3,5 баал тула, сороҕор 2 баалга диэри намтыаҕа.

Кыраапык күөх өҥүнэн бэлиэтэммит, ол аата магнитнай буурҕа суох. Магнитосфера хамсааһына да баар буоллаҕына, көрдөрүүлэр кутталлаах таһымҥа тиийбэттэр.

Икки көрдөрүү иккиэн нуорма иһинэн сылдьаллар. 10-ҥа тэҥнээх AP-индекс Сир магнитнай хонуутун мөлтөх хамсааһынын туоһулуур. 20-тэн үөһээ тахсар көрдөрүүлэр кутталлаахтарынан ааҕыллаллар. 130-ка тэҥнээх F10.7 индекс Күн орто күүстээх көхтөөҕүн көрдөрөр — бу Күҥҥэ буолар улахан хамсааһыннары кытта сибээһэ суох. Судургутук эттэххэ, сыыппаралар дьон үксүн доруобуйатыгар кутталы үөскэппэттэр.

Барыллаан билгэлээһининэн, тохсунньу ыйа чуумпутук түмүктэниэҕэ:

• Тохсунньу 31 к. – 2,5 баал кэриҥэ, күөх таһым.
• Олунньу 1-4 к. – чуумпу магнитосфера, 2 баал кэриҥэ.
• Олунньу 5 к. – магнитосфера 4 баалга диэри күүрүөн сөп.
• Олунньу 6-8 к. – арыый үрдүк таһым, ол эрээри күөх көрдөрүү иһинэн, 3 баал кэриҥэ.
• Олунньу 9-10 к. – эмиэ магнитосфера күүрэрэ сабаҕаланар, 4 баалга диэри.

Онуоха исписэлиистэр бэлиэтииллэринэн, геомагнитнай хамсааһын билгэтэ 2-3 хонугунан чопчута уларыйар.